PAMJET- I riu grabit me armë recepsionistin e hotelit në Tiranë, policia: Po punojmë për ta kapur

Momenti i grabitjes

TIRANË- Një grabitje me armë ka ndodhur në recepsionin e një hoteli në Tiranë, ku është marrë një shumë parash nga xhiroja ditore. JOQ ka publikuar pamjet nga momenti i grabitjes, ndërkohë që pak minuta më parë ka reaguar edhe policia e Tiranës. Policia thotë se ka identifikuar autorin, 17-vjeç dhe po punon për kapjen e tij.

“Specialistët për Hetimin e Krimeve të Komisariatit të Policisë Nr. 3 kanë referuar materialet në Prokurorinë pranë Gjykatës së Shkallës së Parë të Juridiksionit të Përgjithshëm Tiranë dhe po punojnë për kapjen e një 17-vjeçari, banues në Tiranë, pasi dyshohet se ka vjedhur një shumë parash në një hotel, në rrugën “Fortuzi”, ku ka qenë i punësuar si recepsionist”, thuhet në njoftimin e Policisë.
Burimi