Mbërriti në Angli me kamion për të punuar në ‘shtëpi bari’, arrestohet shqiptari (EMRI)

FOTO ILUSTRUESE

BRITANI E MADHE- Një 33-vjeçar shqiptar është arrestuar në Britani. Marin Hysa  kishte mbërritur në Angli ilegalisht, duke kaluar kufirin në pjesën e pasme të një kamioni. 33-vjeçari u arrestua në një “shtëpi bari”, raportojnë mediat e huaja.
Plantacioni i kanabisit u zbuluan kur policia bastisi një pronë në Haybridge Avenue, në Hadley, operacion që mesa duket është zhvilluar më 18 korrik. Hysa u arrestua dhe brenda shtëpisë policia zbuloi një rrjet që ishte shtrirë për përshtatjen e ambientit në mënyrë që të përdorej më pas për të mbjellë bimët narkotike, siç ishte pajisja me drita speciale dhe pajisje hidroponike.
Shpia kishte dy dhoma në katin e sipërm ku “strehonin” përkatësisht 44 dhe 49 bimë të rritura, ndërsa në një dhomë tjetër u zbulua, 128 fidanë. Para autoriteteve pas arrestimit, Hysa tha vetëm se ndodhej në pronë prej një jave./ZËRI
Burimi