Lufta në Gaza/ Biden: Izraeli dhe Hamasi në parim bien dakord për armëpushim

Joe Biden

Presidenti i SHBA-së, Joe Biden, flet për një marrëveshje parimore mes Izraelit dhe Hamasit për një armëpushim në Gaza, në postimin e tij në “X”. Siç thekson ai, “6 javë më parë kam paraqitur një kornizë gjithëpërfshirëse se si të arrihet një armëpushim dhe kthimi i pengjeve në atdheun e tyre. Ka ende punë për të bërë dhe këto janë çështje komplekse, por kjo kornizë tani është rënë dakord nga Izraeli dhe Hamasi”.

Six weeks ago I laid out a comprehensive framework for how to achieve a ceasefire and bring the hostages home. There is still work to do and these are complex issues, but that framework is now agreed to by both Israel and Hamas.My team is making progress and I’m determined to…
— President Biden (@POTUS) July 12, 2024

Në maj presidenti amerikan theksoi në fjalimin e tij se kishte në dorë planin e armëpushimit në Gaza, i propozuar nga Izraeli dhe që do të zbatohet në tre faza.
Faza e parë përfshin një armëpushim “të plotë dhe total” dhe tërheqjen e ushtarëve të IDF nga të gjitha zonat e banuara në Gaza. Gjithashtu është planifikuar lirimi i disa prej pengjeve të mbetura (gratë, të moshuar, të plagosur) dhe shkëmbimi i tyre me të burgosur palestinezë. 600 kamionë me ndihma humanitare do të hyjnë çdo ditë në Rripin e Gazës, me shpërndarjen e saj të lehtësuar nga armëpushimi. Banorët palestinezë të Rripit do të kthehen në shtëpitë e tyre.
Faza do të zgjasë gjashtë javë me mundësi të zgjatjes nëse është e nevojshme. Biden pranoi se midis fazës së parë dhe të dytë, do të nevojiten bisedime të vështira.
Faza e dytë kërkon një “ndërprerje të përhershme të armiqësive” dhe lirimin e pengjeve të mbetura, përfshirë ushtarët e mbajtur nga Hamasi. Kjo do të thotë një fund i përhershëm i armiqësive.
Së fundi, faza e tretë do të përfshijë restaurimin e Rripit të Gazës. Pasi të arrihet, kjo fazë do të përfshijë gjithashtu kthimin e eshtrave të pengjeve që vdiqën në duart e Hamasit./ZËRI
Burimi