Kundërshtuan me forcë policinë, arrestohen tre persona në Festivalin e Tekno në Vlorë

Një nga të arrestuarit

VLORË- Tre persona janë arrestuar pas një operacioni të zhvilluar dy ditë më parë kundër shpërndarjes së drogës në plazhin e Delisufit. Efektivët kanë vënë në pranga Ildjan Dodaj, Mohammed Bennanna dhe Mateo Masini.
Gjatë operacionit, të arrestuarit kundërshtuan me forcë punonjësit e policisë.

Gjithashtu raportohet se në bashkëpunim me Prokurorinë pranë Gjykatës së Shkallës së Parë të Juridiksionit të Përgjithshëm Vlorë, është bërë i mundur identifikimi dhe shpallja në kërkim e 3 personave të tjerë të përfshirë në këtë veprimtari kriminale.
“Në vijim të punës për lokalizimin dhe kapjen e 3 shtetasve të shpallur në kërkim 2 ditë më parë, nga shërbimet e Drejtorisë Vendore të Policisë Vlorë u bë i mundur ndalimi i këtyre shtetasve, të cilët kundërshtuan me forcë punonjësit e Seksionit për Hetimin e Narkotikëve të DVP Vlorë, gjatë kryerjes së detyrës, në vendin e quajtur “Plazhi i Delisufit”, konkretisht:  
– I. D., shtetas shqiptar, banues në Itali; 
– M. B., shtetas maroken, banues në Itali; 
– M. M., shtetas italian, banues në Itali.
Gjithashtu, në bashkëpunim me Prokurorinë pranë Gjykatës së Shkallës së Parë të Juridiksionit të Përgjithshëm Vlorë, është bërë i mundur identifikimi dhe shpallja në kërkim e 3 shtetasve të tjerë të përfshirë në këtë rast, konkretisht:    
– A. M., lindur në Kavajë dhe banues në Itali;  
– S. P., lindur dhe banues në Sarandë;  
– A. E., lindur në Kosovë dhe banues në Itali.
Vijon puna për kapjen e këtyre shtetasve.
Materialet procedurale i kaluan Prokurorisë, për veprime të mëtejshme”, njofton policia. /ZËRI
Burimi