Konflikt në Gjirokastër/ Plagoset me thikë 38-vjeçari, shpallet në kërkim autori

FOTO ILUSTRUESE

GJIROKASTËR-Një 38-vjeçar është plagosur me thikë në Gjirokastër.  Policia ka shpallur në kërkim autorin 25-vjeç, pasi ditën e sotme plagosi me thikë një 38- vjeçar gjatë një konflikti që ka ndodhur mes tyre. Sipas policisë mësohet se plagosja ka ndodhur për motive të dobëta, ndërsa i plagosuri ndodhet në spital, jashtë rrezikut për jetën.
Njoftimi i policisë:
Plagosi me mjet prerës (thikë), një 38-vjeçar, gjatë një konflikti për motive të dobëta, shërbimet e Policisë po punojnë për kapjen e autorit të dyshuar.
Në vendin e quajtur “Ura e Lumit” , Gjirokastër, në një servis automjetesh, gjatë një konflikti të çastit për motive të dobëta, shtetasi E. N., 25 vjeç dyshohet se ka plagosur me mjet prerës (thikë), shtetasin D. S., 38 vjeç, banues në fshatin Picar, i cili ndodhet në spital, jashtë rrezikut për jetën.
Shërbimet e Policisë po punojnë për kapjen e 25-vjeçarit. Grupi hetimor ndodhet në vendngjarje dhe po punon për sqarimin e plotë të rrethanave të ngjarjes./ZËRI
Burimi