Kokainë&banane! LIDHJET që ekspozuan Dritan Gjikën, “Pampa” kryeçështje në Ekuador. Si pastroheshin paratë

Foto ilustruese

EKUADOR- Sentilver dhe Damascoswett janë dy kompani që eksportonin banane. Të dyja janë themeluar në vitin 2008 dhe kanë të dhëna për eksportet e bananeve që të paktën që nga viti 2014. Megjithatë, tani janë pjesë e një hetimi për pastrim parash që i lidh drejtpërdrejt me trafikun e drogës dhe mafien shqiptare.  
Në cilën moment këto kompani filluan të punojnë me apo për Dritan Gjikën, liderin e mafies shqiptare në Ekuador, është ende e vështirë të përcaktohet. Gjika nuk figuron në asnjë moment si aksioner apo administrator i këtyre firmave. Ata që janë regjistruar janë një familje argjentinato-italiane, anëtarët e së cilës tani përballen me hetime në Ekuador dhe Spanjë.
Një rrjet eksportuesish, kompanish imobiliare dhe prodhuesish përbëjnë rrjetin e ‘pastrimit’ të parave të mafias shqiptare
Por lidhjet mes familjes Sánchez Rinaldi dhe shqiptarit u zbuluan në hetimet e çështjes “Pampa”. Dosja në atë rast tregon se Sentilver dhe Damascoswett jo vetëm që shërbenin për pastrimin e aseteve, por edhe për eksportimin e kontejnerëve me banane dhe drogë në Evropë.

Fotografi nga dosja e çështjes Pampa, në të cilat shfaqen shqiptari Dritan Gjika (majtas) dhe Mario Sánchez Rinaldi

Hetimet arritën të konstatojnë se të paktën 10 kontejnerë me kokainë, të identifikuar në portet evropiane ishin të lidhura me këto kompani.
Dy kompani me histori
Sentilver dhe Damascoswett kanë histori të ngjashme. Të dyja u krijuan në Guayas në vitin 2008, nga aksionarë të cilët, në më pak se dy muaj, ia dorëzuan biznesin personave të tjerë. Të dhënat e dy kompanive në Mbikëqyrjen e Shoqërive tregojnë se janë shoqëri “të lidhura”, pasi emrat e administratorëve dhe aksionerëve ndërthuren. Në qendër të skemës është Mario Sánchez Rinaldi, 49 vjeç, me origjinë nga Mendoza e Argjentinës dhe i cili gjithashtu ka kombësi italiane. Përveç kësaj, vëllai i tij, Walter Sánchez Rinaldi, shfaqet në kompani; nipi i tij, Alejandro Sánchez Carrasco; gruaja e tij, Carina Espinoza Beals dhe nëna e tij, Dionicia Rinaldi de Sánchez.
Aktualisht, i vetmi aksioner i Sentilver është Walter Sánchez Rinaldi, vëllai i Marios. Dhe aksionerja e vetme e Damascoswett është Carina Espinoza, gruaja e Marios.
Të dyja janë kompani të themeluara prej kohësh. Secili prej tyre ka bërë më shumë se 4,000 dërgesa banane që nga viti 2014. Destinacioni i tyre kryesor janë Shtetet e Bashkuara, ku secili prej këtyre eksportuesve ka dërguar më shumë se 900 dërgesa me banane. 
Të dyja firmat kanë një lidhje të drejtpërdrejtë me mafian shqiptare. Një nga provat është se ata bënin biznes me Agricomtrade, një tjetër kompani bananesh, në të cilën Gjika ishte aksioner që nga viti 2018. Sipas raporteve të dosjes së çështjes “Pampa”, Sentilver dhe Damascoswett ishin “klientë” të Agricomtrade, pra merrnin banane nga kjo kompani.
Sipas informacioneve nga Policia spanjolle, Mario Sánchez Rinaldi kishte biznese të shumta në Marbella dhe Granada. Ai është një nga 13 të arrestuarit në Spanjë, në operacionet e koordinuara ndërkombëtare të çështjes Pampa shkurtin e kaluar.
Të dyja kompanitë u kontrolluan nga shteti në Ekuador. Për Sentilver filloi një auditim në vitin 2022. Edhe Damascoswett, nga ana tjetër, u hetua, në vitin 2023 për mashtrim në deklarimet që kanë bërë në dogana. Megjithatë, vazhduan të bëjnë biznes. 
Eksportet në Shqipëri

Para vitit 2010, vlera e eksportit të bananeve në Shqipëri është 0 USD.

Të dhënat e doganës Panjiva tregojnë se 18 kompani ekuadoriane kanë krye 332 eksporte nga Ekuadori ndërmjet viteve 2016 dhe 2022. Ndër ata që dërguan banane ishin kompanitë Agricomtrade, Damascoswett dhe Sentilver. Sipas të dhënave të Bankës Qendrore, eksportet e bananeve në Shqipëri u rritën me shpejtësi duke filluar nga viti 2016, duke arritur kulmin në vitin 202 , kur më shumë se 46 mijë tonë të këtij fruti u eksportuan nga Ekuadori. Megjithatë, në vitin 2023, shifra ra në mënyrë drastike, duke përkuar me zbulimin e raportit të “Kalit të Trojës”, pra kur u bë publik emri i Dritan Gjikës dhe u lidh me çështjen “Pampa” në fillim të vitit 2024.
Dërgesat e bananeve me kokainë
Më shumë se 10 kontejnerë banane të mbushura me kokainë, të zbuluar në portet evropiane, kanë lidhje me mafian shqiptare. Të paktën pesë prej tyre ishin dërgesa të bëra nga Sentilver. Një nga konfiskimet më të mëdha të regjistruara është bërë më 16 gusht 2020 në portin e Roterdamit, Holandë. Janë gjetur 1100 kg kokainë, që sipas autoriteteve holandeze nëse do të arrinin në treg do të kapnin vlerën e 82 milionë eurove. Kontejneri ishte larguar nga Guayaquil më 26 korrik, dërguar nga Sentilver.
Kjo sekuestro në Roterdam ishte kyçe, sipas informacioneve nga Policia spanjolle, pasi trafikantët e drogës ndryshuan teknikën e tyre dhe filluan të bënin ngarkesa të vogla nga 15 deri në 40 kg. Madje edhe drogën nuk e fshinin më ndër banane, por duke përdorur strukturën e kontejnerë për të fshehur kokainën, kështu që, nëse kapej, kompania eksportuese do të kishte mundësi të mohonte përfshirjen në trafikun e drogës.
Kjo dëshmohet, për shembull, nga një konfiskim në mars 2021 në portin e Antwerp, Belgjikë. Agjentët gjetën tre kontejnerë nga Guayaquil që përmbanin 50 kg kokainë secila.
Dosjet e çështjes Pampa, të publikuara nga Prokuroria ditët e fundit, zbulojnë rrjetin e biznesit që trafikanti shqiptar i drogës Dritan Gjika, i njohur si ‘Toni’, ndërtoi në Ekuador një strukturë që me sa duket është aktive prej më shumë se 10 vitesh. Kompanitë që kanë lidhje me Gjikën janë përdorur edhe për blerjen e pronave dhe automjeteve. Për këtë arsye, në procesin e “pastrimit”, janë sekuestruar 28 prona dhe 13 makina, me një vlerë totale mbi 7 milionë dollarë.
Rrjeti i biznesit të “lavatriçeve” Gjika
Çështja e pastrimit të parave nisi në shkurt të vitit 2024. Aty Prokuroria zbuloi se kishin rënë në gjurmët e një rrjeti të lidhur me mafian shqiptare, i cili punonte me tre drejtues: shqiptarin Gjika, argjentinasin Mario Sánchez Rinaldi dhe ekuadorianin Carlos García Muñoz. Sipas Prokurorisë, këta tre persona, me ndihmën e të afërmve dhe bashkëpunëtorëve të tyre, kishin krijuar disa kompani të dedikuara për eksportin e produkteve bujqësore (kryesisht banane), blerjen dhe shitjen e pasurive të paluajtshme, madje dhe prodhimin e mishit.
Sipas raportimeve në dosje, aktivitetet e këtij rrjeti shoqërish paraqiteshin “të pazakonta” në sistemin financiar kombëtar dhe grumbulluan për rreth 31 milionë dollarë të ardhura për periudhën 2015-2024. Nga hetimet u zbulua se tetë kompanitë ishin të lidhura indirekt me njëra-tjetrën nga drejtorët dhe aksionerët e tyre.
Disa familje shfaqen në rrjet , siç mund të shihet më poshtë (FOTOJA) 

Emri që përsëritet më shumë në këto kompani është ai i Mario Sánchez Rinaldi, i cili shfaqet në rrjet së bashku me vëllain e tij, Walter, dhe nënën e tij, Dionisia.
Lidhja e dytë mes kompanive janë adresat, të cilat po ashtu përsëriten. Për shembull, në zyrën numër 217 të ndërtesës luksoze “Xima”, në Samborondón, operaonin zyrat e Sentilver, Damascoswett dhe Negoglobal. Por në fakt zyra ishte vetëm e Negoglobal. Ndërsa në Joaquín Orrantia Avenue, në Ndërtesën e Tregtisë ishin zyrat e Ingrener, Cresmark dhe Holtexsa. Dhe në një zyrë në Sky Building , në Guayaquil, ishin regjistruar po ashtu zyrat e Cresmark dhe Agricomtrade.
Lëvizjet dhe marrëdhëniet e milionerëve
Krahas marrëdhënieve ndërmjet kompanive nga anëtarët dhe adresat e tyre, firmat në këtë rrjet janë të lidhura me lidhje tregtare. Në krye janë kompanitë e bananeve Sentilver dhe Damascoswett, kompanitë më të mëdha dhe më fitimprurëse në rrjet. Të dyja firmat kanë raportuar të ardhura milionëshe që nga viti 2015.
Në dosjen e Prokurorisë thuhet se Sentilver, Damascoswett dhe Agricomtrade kanë pasur gjithashtu transferta parash mes tyre. Por edhe me kompani të tjera, si Exporsweet, klienti i së cilës është Piedad F., motra e Wilder Sánchez Farfán, ‘El Gato’ (Macja)./ZËRI
Marrë nga Primicias.ec

gfjpg

fgghjpg

fgghjpg

familjajpg
Burimi