Kanye West viziton Moskën

Kanye West

RUSI- Reperi amerikan Kanye West është në një vizitë private në Moskë. Ai është pikasur rrugëve të kryeqytetit këtë të diel. Mediat ruse, duke përfshirë një llogari të mediave sociale “VKontakte” pretendojnë se e kanë pikasur West në Moskë, por deri më tani nuk ka asnjë konfirmim nga reperi amerikan.
“Kanye West është në Moskë, ky është një lajm i mrekullueshëm, ai është në zemër të kryeqytetit,”- raportoi agjencia TASS në postimet e mediave sociale.
West ka befasuar vazhdimisht me deklaratat dhe paraqitjet politike që e kanë futur në telashe. Ndër to risjellim lëvdatat që ai bëri ndaj liderit nazist Adolf Hitler, duke mohuar edhe Holokaustin, veprim që i solli prishjen e kontratës me Adidas.
Reperi ka thënë fjalë të mira edhe për presidentin rus Vladimir Putin në të kaluarën./ZËRI
Burimi