“Gazetarët të mos preken!”, Rama kundër Prokurorisë: Nëse informacioni bie në dorën e tyre, nuk është më sekret hetimor

Edi Rama

TIRANË- Kreu i qeverisë Edi Rama, ka qënë i pranishëm në Konferencën për të drejtën e Informimit, ku dënoi rastet kur gazetarët janë vënë nën hetim për nxjerrjen e sekretit hetimor. Rama tha se në momentin që informacioni është në dorën e gazetarit, atëherë ai nuk cilësohet më si sekret, sa kohë që është nxjerrë nga vetë organi i akuzës.
“E drejta e informimit nuk është sekret hetimor, përfitoj nga rasti se shoh avokaten e popullit, rastin e një gazetari u keqtrajtua për nxjerrjen e sekretit hetimor. Prokuroria iu vu mbrapa disa gazetarëve dhe për mua gazetarët nuk nxjerrin sekret hetimor, nuk i disponojnë, sekretet i disponojnë prokurorët dhe kur gazetarit i bie në dorë sekreti nuk është më detyrim i tij të ruajë sekretim dhe nuk shkon drejt tij hetimi por drejt atyre që ia dhanë atij është elementare, që në Kanun shkruhet e zeza mbi të bardhi lajmësi nuk ka faj, kush e prodhoi lajmin ose kush ia dha atij është burimi me të cilin duhet të merresh.
E them për të nënvizuar që informacioni mbi gjithçka që institucionet publike bëjnë dhe mbi gjithçka që ekziston me vulë dhe firmë dhe nuk përfshihet në hapësirën e ngushtë që ligji e përcakton, ku hyn edhe sekreti hetimor është pronë publike”, u shpreh Rama gjatë fjalës së tij, ndërsa foli dhe për institucionet publike që nuk japin informacion duke shkelur ligjin për të drejtën e informimit.
Rama tha se ka një qesharake dhe dramatike në administratë për të drejtën e informimit, që shkelin ligjin në disa raste, duke mos iu përgjigjur në kohë shqetësimeve të qytetarëve.
“Janë disa gjëra që më bëjnë shumë përshtypje dhe në rastin tim nuk është se mund të delegohen që kanë të bëjnë me atë që thashë më parë sa shumë nga gjërat që na shfaqen dhe na vihen në dukje qoftë nga publiku, qoftë nga palët me të cilat ndërveprojnë mund të riparohen pa ndonjë vështirësi të caktuar. Po e nis nga një fakt, i cili është i nënvizuar në klasifikimin e Akses Info Europe që është agjencia trupa që merret me vlerësimin e legjislacionit për transparencën dhe të drejtën e informimit në përgjithësi.
Shqipëria ishte e 86 në klasifikim deri në vitin 2014 ne hodhëm hapin e parë serioz duke transformuar bazë tonë ligjore dhe sot nëse e klikoni do e gjeni në vendin e 7 për sa i përket legjislacionit, Komisioneri që është nga Labëria dhe s’mund ta pranojë dot që të jetë i 7-i, nëse autobusi me 7 nuk është i vendosur paralelisht, po më thoshte që disa ndryshime që kemi bërë me ligjin e i që kemi gati të bëjë që të ngjitemi edhe më lart, por këtu nis edhe debati që në këtë rast e kemi konkretisht me një shembull por mund ta gjejmë sot për hendekun mes legjislacionit dhe zbatimit.
Ankesa të cilat përmbushen në sekondë pasi zyra e komisionerit vihet në lëvizje dhe i kërkon institucionit përkatës të informojë qytetarin apo grupin e caktuar të interesit është për të vënë duart në kokë, kjo është thjeshtë dhe vetëm mungesë e funksionimit të një mekanizmi kryesor që e garanton të drejtën e informimit pa subjektivitetin e koordinatorit që kujdesen për ta garantuar këtë, s’e bëjnë në mënyrë sistematike, mendoj që kjo dhe disa aspekte të tjera që na pengojnë si vend që siç jemi të 7 të jemi më lart se sot në aspektin e të drejtës së informimit, janë fruta që mund të kapen pa u sforcuar shumë dhe pa kërkuar shkallë për t’u ngjitur hap pas hapi. Ka një mendësi dominante në administratë që dhënia e informacionit është mendësi e panevojshme, është sa dramatike dhe qesharake, por marrja e dokumenteve dhe nxjerrja në publik paraqitet si një zbulim”, vijoi Rama fjalën e tij. /ZËRI
Burimi