EMRI- Kërcënoi të vriste me armë zjarri komshiun e tij, arrestohet 51-vjeçari në Vlorë

Erion Bodo

VLORË- Policia e Vlorës ka arrestuar 51-vjeçarin, Erion Bodo, i cili kërcënoi të vriste me armë zjarri komshiun e tij. Sipas policisë, dy fqinjët ishin konfliktuar me njëri-tjetrin dhe më pas 51-vjeçari e kërcënoi me armë zjarri.
Gjatë operacionit, efektivët sekuestruan armën e zjarrit, një kallashnikov të fshehur në fuçi dhe fishekë në banesën e tij.

“Falë ndërhyrjes në kohë dhe veprimeve profesionale të shërbimeve të Komisariatit të Policisë Vlorë, u parandalua një krim që mund të kishte pasoja të rënda për jetën. Arrestohet 51-vjeçari që kërcënoi të vriste fqinjin me armë zjarri. Sekuestrohet një armë zjarri kallashnikov dhe fishekë në banesën e të dyshuarit.
Shërbimet e Komisariatit të Policisë Vlorë, në vijim të punës për garantimin e sundimit të ligjit në territor, pas informacionit të marrë se një shtetas posedonte armë zjarri dhe kishte konflikt me fqinjin e tij, konflikt ky që kishte arritur në kërcënime serioze për jetën, organizuan dhe finalizuan operacionin policor të koduar “Strike 21”, në kuadër të të cilit u bë kapja dhe arrestimi në flagrancë i shtetasit:
E. B., 51 vjeç, banues në Vlorë.
Gjatë kontrollit në banesën e këtij shtetasi, shërbimet e Policisë gjetën dhe sekuestruan një armë zjarri kallashnikov, të fshehur në një fuçi, së bashku me dy krehëra dhe 75 fishekë. Materialet procedurale u referuan në Prokurorinë pranë Gjykatës së Shkallës së Parë Vlorë, për veprime të mëtejshme”, njofton policia. /ZËRI
Burimi