E kishte ‘shtruar’ me kokainë në dhomën e hotelit/ Si u kap i riu në Tiranë, tentoi t’i ikte Policisë, por përfundoi në pranga

Pamje nga arrestimi

TIRANË- 33-vjeçari Klaus Aliaj tentoi që t’i ikte Policisë së Shtetit, por më kot. I riu përfundoi në pranga pas një kontrolli që bëri Policia në dhomën e hotelit ku ai ishte akomoduar pranë rrugës së Kavajës. Në dhomë iu gjet kokainë dhe një armë zjarri bashkë me municionin për pistoletën që kishte me vete.

NJOFTIMI I POLICISË: 
Tiranë
Finalizohet nga Komisariati i Policisë Nr. 2, operacioni policor i koduar “Room”, ndjekur me metoda speciale të hetimit, për goditjen e veprimtarive kriminale në fushën e narkotikëve dhe armëmbajtjes pa leje. Arrestohet në flagrancë një 33-vjeçar, që posedonte lëndë të dyshuar narkotike kokainë dhe armë zjarri pistoletë.
Shërbimet e Komisariatit të Policisë Nr. 2, në vijim të punës për goditjen e veprimtarive kriminale në fushën e narkotikëve dhe armëmbajtjes pa leje, kanë organizuar dhe finalizuar operacionin e koduar “Room”. Si rezultat i këtij operacioni u arrestua në flagrancë shtetasi K. A., 33 vjeç, banues në Tiranë, për veprat penale “Mosbindja ndaj urdhrit të punonjësit të policisë së rendit publik”, “Mbajtja pa leje dhe prodhimi i armëve, armëve shpërthyese dhe i municionit”, dhe “Prodhimi dhe shitja e narkotikëve”, parashikuar nga nenet 242, 278dhe 283 të Kodit Penal.
Shërbimet e Komisariatit të Policisë Nr. 2, kanë ushtruar kontroll në një dhomë hoteli në Rrugën e Kavajës, në të cilën akomodohej shtetasi K. A. Ky shtetas gjatë ndërhyrjes, nuk i është bindur urdhrave të punonjësve të Policisë. Gjatë kontrollit të dhomës, u gjetën dhe sekuestruan, në cilësinë e provës materiale, sasi lënde të dyshuar narkotike kokainë dhe një armë zjarri pistoletë me krëhër e municion luftarak. Materialet procedurale i kaluan Prokurorisë./ZËRI
Burimi