E bllokuar prej 6-orësh në kanionin e Gjipesë, shpëtohet turistja gjermane

PAMJE NGA NGJARJA

VLORË-Shpëtohet një turiste gjermane e cila ishte bllokuar në kanionin e Gjipesë. Turisja gjermane u shpëtua pas 6-orësh kërkime në një terren të vështirë dhe të rrezikshëm nga disa forca policie në komisariatin e Dhërmiut dhe të FNSH-së. Ajo ndodhet në gjendje të mirë shëndetësore dhe nuk ka pësuar dëmtime.

Njoftimi i policisë:
Mbeti e bllokuar gjatë mesditës në kanionin e Gjipesë, shërbimet e Stacionit të Policisë Dhërmi dhe ato të FNSH-së i shkojnë në ndihmë një turisteje gjermane. Pas 6 orësh kërkimesh në një terren shumë të vështirë dhe të rrezikshëm, turistja është lokalizuar dhe nxjerrë nga kanioni në gjendje të mirë shëndetësore.
Mesditën e sotme, shërbimet e Stacionit të Policisë Dhërmi morën njoftim se një turiste gjermane, duke eksploruar kanionin e Gjipesë, Himarë, kishte mbetur e bllokuar për shkak të terrenit të vështirë dhe nuk mund të dilte nga kanioni. Menjëherë pas njoftimit, në drejtim të kanionit u nisën shërbimet e Policisë së bashku me Forcat e Ndërhyrjes së Shpejtë (FNSH). Si rezultat i kërkimeve, u bë e mundur lokalizimi dhe nxjerrja nga kanioni e turistes, e cila është në gjendje të mirë shëndetësore dhe nuk kishte pësuar dëmtime.
Drejtoria Vendore e Policisë Vlorë apelon për qytetarët dhe turistët, në rast emergjencash ose kur keni nevojë për ndihmë, ju lutemi telefononi në numrin pa pagesë 112. Shërbimet e Policisë janë gjithmonë në gatishmëri për t’ju ndihmuar dhe për t’ju siguruar në çdo moment dhe në çdo vend!/ZËRI
Burimi