Bleu një fëmijë për 10 mijë lekë, ekstradohet nga Greqia Kujtim Demiri. Monstra që trafikonte të miturit

Kujtim Demiri

TIRANË- Kujtim Demiri është arrestuar në Greqi nga policia dhe është ekstraduar në vendin tonë. Demiri është dënuar me 15 vite burg pasi akuzohet se trafikonte të mitur dhe i detyronte që të lypnin.
Demiri u shpall në kërkim ndërkombëtar nga Interpol Tirana më 6 janar 2018, pasi Gjykata e Shkallës së Parë për Krimet e Rënda, e dënoi me 15 vjet burg.
Kujtim Demiri akuzohet se ka marrë nga Shqipëria një të mitur me inicialet H.S dhe e shfrytëzonte atë për të lypur në Greqi nën ushtrimin e dhunës.
“Bashkëpunimi midis Interpol Tirana dhe Interpol Athina mundëson arrestimin dhe ekstradimin e një të kërkuari nga Greqia në Shqipëri
Më datë 20.08.2024, pas një bashkëpunimi intensiv dhe shkëmbimi informacioni mes Interpol Tirana dhe Interpol Athina u realizua arrestimi dhe ekstradimi nga Greqia i shtetasit Kujtim Demiri.
Ky shtetas ishte shpallur në kërkim ndërkombëtar nga Interpol Tirana më datë 06.01.2018, pasi Gjykata e Shkallës së Parë për Krimet e Rënda, me vendimin e datës 01.02.2010, e ka dënuar me 15 vjet burg, për veprën penale “Trafikikimi të miturve”, parashikuar nga neni 128/b/2, i Kodit Penal.
Sipas vendimit, shtetasi Kujtim Demiri ka marrë nga Shqipëria në Greqi fëmijën e mitur H.S dhe e ka shfrytëzuar për të lypur në Greqi nën ushtrimin e dhunës.
Policia e Shtetit dhe Interpol Tirana vazhdojnë angazhimin për sjelljen në Shqipëri dhe vendosjen para drejtësisë të personave në kërkim ndërkombëtar”, njofton policia. /ZËRI
Burimi