BE hap zyrtarisht negociatat me Ukrainën dhe Moldavinë

FOTO ILUSTRUESE

BRUKSEL- Bashkimi Evropian do të hapë zyrtarisht bisedimet e anëtarësimit me Ukrainën dhe Moldavinë me mbajtjen e dy konferencave ndërqeveritare me ministrat evropianë në Luksemburg.
Hapja e bisedimeve do të bëhet në dy Konferenca Ndërqeveritare të njëpasnjëshme të martën pasdite në Luksemburg, me të përfaqësuar të gjitha dy vendet shpresëdhënëse, Komisionin Evropian dhe presidencën e rradhës të Këshillit, që aktualisht mbahet nga Belgjika. Delegacioni ukrainas do të kryesohet nga zëvendëskryeministrja e vendit për Integrimin Evropian, Olga Stefanishyna, ndërsa kryeministri Dorin Recean do të kryesojë delegacionin moldav.
Duke folur pas mbërritjes së saj, Stefanishyna e përshkroi takimin si një “moment historik” për Ukrainën dhe një vendim pas të cilit “i gjithë kombi qëndron si një”.
“Ukraina, megjithë luftën dhe situatën jashtëzakonisht të vështirë, ka vendosur të vazhdojë me reforma intensive derisa janë nën bomba dhe jeta e tyre është në rrezik”, tha ministri i jashtëm belg Hadja Lahbib.
Ukraina, nëse do të anëtarësohej, do ta tejkalonte Francën për t’u bërë anëtari më i madh i bllokut. Si prodhues kryesor i drithërave, anëtarësimi i Ukrainës do të kishte një ndikim të madh në politikat bujqësore të bllokut evropian.
Fillimi i negociatave është një nga shumë pikat në një proces tipik shumëvjeçar, ku vendeve u kërkohet të bëjnë reforma gjyqësore, ekonomike dhe kushtetuese përpara se të konsiderohen të gatshme për t’u bashkuar me BE. Është dashur mesatarisht rreth një dekadë që kandidatët e mëparshëm t’i bashkohen bllokut. 
Shtatë vende të tjera janë duke pritur në krahë për t’u bërë anëtarë të BE-së, pesë prej të cilave shtetet e Ballkanit Perëndimor, Shqipëria, Bosnja dhe Hercegovina, Mali i Zi, Maqedonia e Veriut dhe Serbia janë tashmë në negociata zyrtare./ZËRI
Burimi