Zamorano analizon Inter-Barcelona: Kush kalon sonte në finale, fiton Champions-in

Në ditën e ndeshjes Inter-Barcelona, gjysmëfinalja e kthimit e Champions League, ka folur për “Gazzetta dello Sport” ish-sulmuesi zikaltër, Ivan Zamorano. Ja vlerësimi i tij për sfidën, që do të luhet sonte në “San Siro”: “E imagjinoj shumë të hapur dhe nuk mund të ndodhë ndryshe. Mjafton të hedhësh një sy mbi të dyja formacionet, mbi sa lojtarë në fushë janë në gjendje ta vendosin ndeshjen me një veprim të vetëm. Me të vërtetë besoj se kualifikimi do të vendoset nga detajet, por Interi ka një burim më shumë, ‘San Siro’. Unë mund ta them këtë, sepse në atë stadium...