Vendi nën pushtetin e zjarreve/ 17 vatra aktive, ndërhyjnë dy avionë nga Italia dhe Kroacia, vihen nën kontroll flakët në Konispol

Vendi ynë ndodhet nën pushtetin e zjarreve nga veriu në jug, ndërsa temperaturat kanë prekur 44 gradë C. Ministria e Mbrojtjes raporton se janë 26 vatra zjarri në total, nga të cilat 17 më të rrezikshmet, me një shtrirje nga Dibra, deri në Konispol. Në terren ndodhen me dhjetëra efektivë të Forcave të Armatosura, zjarrfikës dhe helikopterë, ndërsa në orët e fundit mbërritën edhe dy avionë Canadair nga Kroacia e Italia, për të ndihmuar për shuarjen e zjarrit në Shashicë, në afërsi të fshatit Kaninë. Ashtu si në rastin e zjarrit në Dukat, edhe në këtë zonë përballja me flakët...