Valë sulmesh në Kolumbi, bomba dhe të shtëna me armë! Shtatë të vdekur, mbi 50 të plagosur

Të paktën shtatë persona kanë humbur jetën dhe dhjetëra të tjerë janë plagosur në një seri sulmesh të koordinuara në jugperëndim të Kolumbisë, raportojnë mediat lokale. Sulmet, që përfshinë makina-bomba, motoçikleta të pajisura me eksplozivë, të shtëna me armë zjarri dhe përdorimin e një droni të dyshuar, kanë goditur qytetin Cali – qyteti i tretë më i madh në vend – si dhe disa qytete përreth në rajonet Cauca dhe Valle del Cauca. Sipas Ministrisë së Mbrojtjes së Kolumbisë, janë regjistruar gjithsej 19 sulme: 12 në rajonin Cauca dhe shtatë në Valle del Cauca. Dy oficerë policie janë midis viktimave,...