Irani përgatit skenarin e ri të përplasjes me SHBA-në, i kërkon Houthi-ve bllokimin e rrugës së naftës në Detin e Kuq

Irani i ka kërkuar lëvizjes Houthi të Jemenit të qëndrojë gati për të mbyllur rrugën e transportit të naftës në Detin e Kuq nëse Shtetet e Bashkuara godasin infrastrukturën energjetike iraniane – një kërcënim i ri dhe serioz për furnizimet globale me energji – thanë tre burime për agjencinë Reuters. Kjo ide është diskutuar brenda udhëheqjes së Republikës Islamike dhe mesazhi u është përcjellë aleatëve Houthi të Iranit, thanë dy burime të larta iraniane dhe një burim rajonal i njohur me çështjen, të cilët folën në kushte anonimiteti, shkruan A2. Burimet thanë se Houthi-t ishin informuar së fundmi për kërkesën e Teheranit, një informacion që nuk ishte raportuar më parë. Ata nuk dhanë detaje të mëtejshme se si ishte përcjellë kërkesa apo nëse ajo erdhi...