Udhëheqësit evropianë nuk bien dakord për paketën e fundit të sanksioneve ndaj Rusisë

Udhëheqësit evropianë nuk arritën të bien dakord për paketën e fundit, të 18-të, të sanksioneve kundër Rusisë në takimin e Këshillit Evropian të mbrëmshëm në Bruksel. Hungaria dhe Sllovakia mbajtën qëndrime kundër masave të propozuara, raporton The Guardian.  Ata kundërshtuan një propozim të BE-së për të hequr dorë gradualisht nga gazi rus. Kryeministri hungarez Viktor Orbán tha gjatë natës se të dy vendet ishin “një ekip”, ndërsa këmbënguli se “nuk mund ta pranojmë propozimin e BE-së që të mos blejmë më naftë dhe gaz rus”. Gjatë natës, Rusia thuhet se qëlloi mbi 350 dronë dhe tetë raketa drejt Ukrainës, kryesisht duke synuar qytetin e vogël perëndimor të Starokostiantyniv, ku ndodhet një bazë ajrore e rëndësishme...