Shtyhet gjyqi për Mario Perlleshajn, flet nëna e Martin Canit: Dua të vendoset drejtësia në vend

Është shtyrë seanca në Gjykatën e Tiranës ndaj të miturit Mario Përlleshaj, nën akuzë për vrasjen e bashkëmoshatarit Martin Canit.

Gjatë seancës ishin të pranishëm edhe prindërit e të ndjerit.
Në një deklaratë për mediat, nëna e Martin Canit u shpreh se drejtësia duhet të vitet në vend.
“Do të luftoj deri në fund, fëmija im humbi jetë në mënyrë tragjike në rrethana të menduara. Do të këmbëngul të dalë e drejta.
Seanca të bëhet e hapur, s’kemi çfarë mbajmë sekret. Seanca të zhvillohet me dyer të hapura, fëmija im të bëhet shembull për të tjerët, që kjo tragjedi të mos ndodh në familjet e tjera”, tha ajo.
Mario Përlleshaj mbahet në institucionin e të miturve në Kavajë, pasi u arrestua për krimin në shkollën “Fan Noli” ku i dyshuari ishte nxënës.

Top Channel
Burimi