Luftimet midis ushtrisë dhe xhihadistëve në Siri, 200 të vdekur, mes tyre edhe civilë

Më shumë se 200 njerëz, kryesisht xhihadistë dhe ushtarë të regjimit sirian, janë vrarë gjatë 24 orëve të fundit në veriperëndim të Sirisë, sipas Observatorit Sirian për të Drejtat e Njeriut (OSDH).

Mes viktimave janë 20 civilë.
Numri “është në 182 (militantë) të vdekur, nga të cilët 102 ishin anëtarë të Hayat Tahrir al-Sham” (HTS, ish krahu i al-Kaedës në Siri), thotë OSDH. Luftimet vranë gjithashtu 19 anëtarë të organizatave që punonin me HTS dhe 61 anëtarë të forcave të regjimit të presidentit Bashar al-Assad.

Nga civilët, 19 u vranë sot nga sulmet e forcave ajrore ruse, një aleate e Damaskut. Një tjetër u vra dje të mërkurën nga një bombardim i ushtrisë siriane.

Top Channel
Burimi