Detajet/ U dhunua nga burrat e familjes! 29-vjeçaren e kishin fejuar pa dëshirën e saj, kur tha “JO”, e rrahën barbarisht
Një 29 vjeçare në Vlorë përfundoi në spital pasi u dhunua nga tre burra të cilët presupozohet të ishin më të rëndësishmit e jetës së saj por në fakt rezultuan të ishin dhunuesit e saj,0aq sa ti rrezikonin jetën. Ajo u dhunua nga babai, vëllai dhe i fejuari i saj. Ngjarja ndodhi në banesën e saj ku jetonte së bashku me prindërit.
Top Channel mëson se shkak për ngjarjen ishte refuzimi i saj për të nisur bashkëjetesën me 34-vjeçarin Armandi Janka me të cilin familja e kishte fejuar pa pëlqimin e saj. Rezistenca e saj solli jo vetëm dhunën nga i fejuari por dhe nga babai i saj Astrit Barjami dhe vëllai Erlind Barjami
Shërbimet e Komisariatit të Policisë Vlorë, pas marrjes së njoftimit për ngjarjen ndërhynë dhe parandaluan përshkallëzimin e dhunës. 3 burrat u vunë në pranga ndërsa vajza ndodhet në spital jashtë rrezikut për jetën.
Gjatë kontrollit në banesën ku ndodhi ngjarja, policia sekuestroi një armë gjahu dhe municion luftarak që i përkiste babait të vajzës, Astrit Barjami.
Një episod tjetër dhune në familje u regjistrua në Klos ku për një motiv të çastit u konfliktuan dy vëllezër në fshatin Gurë e Vogël. Në pranga ra 38-vjeçari Rufat Tusha në banesën e të cilit policia sekuestroi një pistoletë pa leje.
Top Channel
Burimi
