Tërmet 5.4 ballë në Turqi, lëkundjet ndihen edhe në provincat përreth

Një tërmet me magnitudë 5.4 goditi distriktin Karakopru të Sanliurfës, në juglindje të Turqisë, në orën 10:40 sipas kohës lokale (07:40 GMT). Sipas informacioneve të publikuara në faqen e internetit të Autoritetit të Menaxhimit të Fatkeqësive dhe Emergjencave të Turqisë (AFAD), epiqendra e tërmetit ishte në Karakopru. Tërmeti ndodhi në një thellësi prej 7.39 kilometrash (4.6 milje) nën sipërfaqe. Lëkundjet u ndjenë edhe në provincat përreth. Guvernatori i Sanliurfës, Hasan Sildak, i tha Anadolu se, sipas vlerësimeve fillestare, nuk kishte raportime për viktima apo shembje strukturash në qytet. Sildak tha se ekipet po vijojnë inspektimet në zonë./AA