Verstappen triumfon në Spanjë dhe dominon botërorin, McLaren dhe Mercedes në podium

23 Qershor 2024

16:33

Telesport

Max Verstappen me Red Bull fitoi sot pasdite garën e Çmimit të Madh të Spanjës në Formula 1, suksesi i 7-të sezonal, i treti në këtë pistë (61 në karrierë). Kampioni i botës e nisi garën nga vendi i dytë, por shpejti mori kryesimin, duke e ruajtur atë deri në fund
Në vendin e dytë u rendit britaniku Lando Norris me McLaren. Edhe pse e nisi garë nga “pole position”, ai e humbi kryesimin që në kthesën e parë. Gjithsesi, Norris arrin të ngjitet në vendin e dytë , me McLaren që ishte më i shpejtë se Mercedes.
Në podium u ngjit edhe Lewis Hamilton me Mercedes, i treti që la pas shokun e tij të skuadrës George Russell (i katërti). Një garë anonime kjo për Ferrari, në vendet 5-6 me dy pilotët e saj, Charles Leclerc e Carlos Sainz, që nuk arriti dot të rivalizojë.
Një triumf i merituar i makinës Red Bull, që duket se kaloi momentet e krizës. Në fund të garës, në zonën e pikëve u renditën edhe Oscar Piastri me Mcllaren (i shtati), Sergio Perez me Red Bull (i teti), Pierre Galsy me Alpine (i nënti) dhe Esteban Ocon me Alpine (i dhjeti).
Burimi