“Jam pro organizimit të Europianit me Serbinë. Mos bëni kot si patriotë!” Milaim Zeka jep një arsyetim ndryshe

1 Tetor 2024

16:28

Telesport

Milaim Zeka ka dhënë një mendim ndryshe lidhur me organizimin e Kampionatit Europian U21 në Shqipëri dhe Serbi në formën e bashkëpunimi.
I ftuar në programin “Procesi Sportiv”, gazetari i njohur nga Kosova renditi disa arsye se përse është pro këtij organizimi në vitin 2027.
“Unë jam i Prishtinës dhe Tiranës. Dua të nisem nga zero. Për lirinë e Kosovës ka menduar Shqipëria, sepse armët e para erdhën nga Shqipëria, refugjatët i pranoi Shqipëria fukara. Ka njerëz në Kosovë që flasin shqip dhe shohin ëndrra serbisht dhe zhvillimi i tyre kalon nga Beogradi, jo Tirana”.
“Këta shpikën kombin kosovar dhe nuk pranojnë gjuhën shqipe me dy dialekte. Duke menduar se çfarë i ka bërë Franca Gjermanisë apo duke marrë Danimarkën me Suedinë dhe sot duke parë bashkëpunimin e tyre, unë jam pro këtij organizimi Shqipëri-Serbi. Kam humbur nënën dhe 120 njerëz të mi prej serbëve, por këtë mendim kam”.
“Nuk është koha të shesim pordhë patriotike, por të bëjmë gjëra për atë që na bashkon”.
Burimi