Bledi Shkëmbi e ka mbyllur aventurën e tij me Tiranën dhe vetëm pak orë pas njoftimit të këtij largimi, u zyrtarizua kalimi i tij si trajner te Struga. Por Bledi Shkëmbi nuk iku i vetëm nga Tirana, mori edhe një tjetër futbollist, që përsëriti këtë lëvizje.
Bëhet fjalë për Gledi Micin, i cili u zyrtarizua te Struga. Mbrojtësi ishte pjesë e Tiranës, por ka ndjekur rrugën e trajnerit të tij për të provuar një tjetër eksperiencë në elitën e futbollit të Maqedonisë. Zyrtarizimi ka ardhur nga faqja e klubit të Strugës, ndërsa Tirana vazhdon me largimet e shumta. /Sport Ekspres/
Tag: tiranës
-
Bledi Shkëmbi i kushton shtrenjtë Tiranës, merr me vete edhe një futbollist te Struga
-
Një tjetër dosje kundër Veliajt në SPAK! Apeli urdhëron hetime për “kryebashkiakun” dhe drejtorët e tij – Detajet
Shembja e shtëpive private nga bashkia e Tiranës, në vitin 2022 në zonën e “5 Majit”, pritet që të kthehet në SPAK një dosje e nxehtë kundër Erjon Veliajt, Mariglen Qatos dhe ish-zyrtarëve të tjerë të kësaj bashkie.
Kjo pasi përmes një vendimi të dhënë në 19 maj 2025 nga gjyqtari i Apelit Tiranë, Fatri Islamaj, ky i fundit ka nxjerrë “nul” vendimin e kolegut të tij, gjyqtar Gerd Hoxha, duke urdhëruar që dosja penale me Nr. 1782 kundër Veliajt, Mariglen Qatos, Arben Caka e zyrtarëve të tjerë, të transferohet nga prokuroria e Tiranës dhe hetohet nga një prokuror i posaçëm në SPAK.
Gjykata e Apelit Tiranë ka vendosur të rrëzojë vendimin e pezullimit të marrë nga gjykata e Shkallës së Parë Tiranë, dhe të urdhërojë prokurorinë e Tiranës që dosjen penale kundër Veliajt dhe ish-vartësve të tij, ta dërgojë për moskompetencë për hetime të mëtejshme në prokurorinë e posaçme SPAK.
Kjo lëvizje vjen 40 ditë para se Gjykata e Lartë të shqyrtojë në 8 Korrik 2025, kërkesën e Erion Veliajt, për zbutjen e masës së sigurisë nga “arrest në burg” në “arrest shtëpie” ose në një masë tjetër më lehtësuese.
Ndërkohë me mbërritjen e kësaj dosje në SPAK, vargu i çështjeve penale kundër Veliajt shkon në 4 dosje, si ajo e korrupsionit me fondet e bashkisë përmes OJF-e të gruas së tij, çështja e prishjes së teatrit kombëtar dhe çështja e inceneratorit të Tiranës që nuk ekziston.
Sipas dokumenteve të siguruara nga gazetari “Ora News” Elton Qyno, në datën 27 mars 2024, kjo dosje ishte pezulluar në fazën e gjykimit paraprak, për një kërkesë me objekt: “Kërkesë për pushim procedimi penal Nr. 1782” të çuar në gjykatë nga prokuroria e Tiranës.
Çështja kishte marrë spunto nga një kallëzim penal të depozituar në SPAK, në fillim të vitit 2022 nga Ledion Mziu, një banor i lagjes “5 Maji” që bashkia i prishi shtëpinë ku jetonte me familjen.
Denoncuesi, akuzonte drejtpërdrejt Erjon Veliajn, Mariglen Qaton, Arben Cakën dhe zyrtarë të tjerë të bashkisë së kryeqytetit për veprat penale të “Shpërdorimit të detyrës”, “Shkatërrimin e pronës”, “Heqje e paligjshme e lirisë” etj.
Pas një verifikimi 15-ditor të kryer, SPAK këtë material ia ka dërguar për kompetencë prokurorisë së Tiranës me arsyetimin se:
“…ndonëse kallëzuesi ka kallëzuar Kryetarin e Bashkisë Tiranë, vendimmarrja për prishjen e objekteve dhe më pas ekzekutimi i tyre është në kompetencë të Inspektoriatit Vendor të Mbrojtjes së Territorit, dhe Kryeinspektori dhe Inspektorët e këtij Inspektorati nuk përfshihen në rrethin e subjekteve të posaçëm që parashikon neni75/a K. Penal…”.
Çështja më pas është hetuar për disa muaj nga prokuroria e Tiranës, e cila ka vendosur të pushojë dosjen kundër Veliajt, Mariglen Qatos e personave të tjerë.
Kërkesa për pushim është dorëzuar në gjykatën e Tiranës, në të cilën avokatët mbrojtës kanë ngritur pretendimin se kjo gjykatë nuk është kompetente për të marrë në shqyrtim dosjen penale, pasi njëri nga personat që është kallëzuar dhe hetuar ishte dhe Erion Veliaj.
Por Gjykata e Tiranës, nuk ka pranuar këto pretendime duke vijuar shqyrtimin e kërkesës për pushim të sjellë nga prokuroria dhe në fund të gjykimit të kësaj kërkese vendosi pezullimin e gjykimit, me argumentin se kallëzuesi ka hapur dhe një proces Civil në Gjykatën Administrative.
Por ky vendim i 27 marsit 2024 është ankimuar nga kallëzuesi Mziu në Gjykatën e Apelit Tiranë, i cili ka kërkuar prishjen e vendimit të pezullimit dhe kthimin e dosjes kundër Erion Veliajt e të tjerëve, për hetime të mëtejshme në prokurorinë e posaçme SPAK.
Në 19 maj 2025, gjyqtari i Apelit Fatri Islamaj ka pranuar kërkesën duke prishur vendimin e mësipërm dhe vendosur që dosja ndaj zyrtarëve të bashkisë Tiranë, të hetohet nga prokuroria e posaçme.
Sipas vlerësimit të Gjykatës së Apelit Tiranë:
“…gjykata e Shkallës së Parë e Juridiksionit të Përgjithshëm Tiranë, nuk ishte kompetente nga pikëpamja lëndore për gjykimin e kërkesës së prokurorisë për pushimin e kësaj çështje. Në kallëzimin penal ndër të tjerë është kallëzuar edhe Erion Veliaj me detyrë Kryetar i Bashkisë Tiranë, i cili bën pjesë në rrethin e subjekteve të posaçëm, akuzat ndaj të cilëve gjykohen nga Gjykata kundër Korrupsionit dhe Krimit të Organizuar. Në rastin konkret kompetenca lidhur me hetimin e kallëzimit penal ndaj Erion Veliaj, i përkiste Prokurorisë pranë Gjykatës së Shkallës së Parë për Korrupsionin dhe Krimin e Organizuar, për shkak se ky organ është kompetent për të gjitha akuzat ndaj subjekteve të posaçme…”.
Në dosjen hetimore thuhet se kallëzuesi Ledion Mziu në 19 janar 2022, rreth orës 10:30 ka qenë në shtëpinë e tij së bashku me familjarët.
Ndërkohë që ka dalë në ballkon, ka parë shumë punonjës të policisë së shtetit, policisë bashkiake, të forcave Shqiponja, FNSH-së si dhe punonjës të IMT-së Bashkia Tiranë.
Këta punonjës i kanë kërkuar babait të tij të dilte jashtë si dhe të vinte në dispozicion dokumentet e pronësisë, të cilat babai i tij ua ka vënë në dispozicion.
Pas 10 minutash ka ardhur një furgon policie dhe babain e tij e kanë shoqëruar në Komisariatin e Policisë nr. 4. Ka shpjeguar se ka dalë nga banesa dhe ka biseduar me një punonjës policie, i prezantuar si shefi i Komisariatit nr. 4 shtetasi, Petrit Halo.
Ky i fundit i ka thënë se duhet të dilni nga banesa sepse kishin një vendim prishje për shembjen e banesës dhe ka thirrur Kryeinspektorin e IMT-së Bashkia Tiranë, Mariglen Qato.
Qato, i ka thënë se nuk kishte vendim për shembjen e banesës, por që ishin njoftuar me anë të shkresës Njoftim nr. 18 prot., datë 12 janar 2022, për të cilën kallëzuesi ka qenë nën dijeni dhe që shkresa përbënte vetëm një njoftim për bashkëpunim për lirimin në mënyrë vullnetare të banesës.
Kallëzuesi i ka shpjeguar Mariglen Qatos se i kishte bërë me dije se ishte në proces gjyqësor në Gjykatën Administrative të Shkallës së Parë dhe se u ka kërkuar nëse kishin një marrëveshje midis tij dhe Bashkisë Tiranë për shembjen e banesës, ose një vendim të Këshillit Bashkiak.
Pas përgjigjeve të Mariglen Qatos, i ka kërkuar shefit të Komisariatit të merrte masa parandaluese, pasi Mariglen Qato po shpërdoronte detyrën dhe menjëherë pas kësaj kërkese, Mariglen Qato i është drejtuar shefit të Komisariatit që të rrethonte banesën e tij dhe të nxirrte banorët e tjerë jashtë banesës.
Pavarësisht se e vuri në dijeni shefin e Komisariatit se kishte kërkuar mbrojtje Drejtorisë së Përgjithshme të Policisë së Shtetit me anë të e-mailit në datë 15 dhjetor 2021, forca të shumta policie rrethuan banesën e tij dhe disa punonjës të IMT-së shpërthyen portën kryesore.
Ka shpjeguar se ndërkohë është ngjitur në tarracën e shtëpisë së tij për të filmuar veprimet që po kryenin punonjësit e policisë dhe IMT-së dhe në formë proteste është vetëprangosur në njërën dorë.
Më tej ai ka treguar se ka bërë ankesë te SHÇBA-ja në adresën zyrare të e-mailit për paligjshmërinë e veprimeve të kryera nga punonjësit e policisë së shtetit, por nuk ka marrë asnjë përgjigje.
Gjithashtu denoncuesi ka shpjeguar se Bashkia Tiranë ka lejuar krijimin e një vendgrumbullimi të ri mbetjesh në lagje dhe nuk ka marrë asnjë masë për parandalimin e ndotjes së ambientit. -
Vueling nis fluturimet Barcelonë–Tiranë, rriten lidhjet ajrore dhe turistike
Aeroporti Ndërkombëtar i Tiranës (TIA) ka mirëpritur partnerin më të ri ajror, kompaninë me kosto të ulët Vueling, që nisi zyrtarisht operimin e fluturimeve të drejtpërdrejta nga Barcelona më 2 korrik. Ky bashkëpunim i ri përbën një moment të rëndësishëm për zgjerimin e rrjetit ndërkombëtar të TIA-s dhe për fuqizimin e lidhjeve të Shqipërisë me Evropën.Vueling, pjesë e grupit IAG dhe me qendër kryesore në Barcelonë, ofron katër fluturime në javë drejt Tiranës — të hënën, të mërkurë, të premte dhe të diel — duke u dhënë udhëtarëve shqiptarë akses më të lehtë drejt jo vetëm Spanjës, por edhe destinacioneve të tjera përmes aeroportit ndërkombëtar El Prat.“Jemi jashtëzakonisht të lumtur që inaugurojmë këtë shërbim të ri. Shqipëria po tërheq gjithnjë e më shumë interes nga udhëtarët evropianë dhe jemi krenarë që po i afrojmë këto dy qytete dinamike më shumë se kurrë,” tha Jordi Pla, Shef i Rrjetit dhe Strategjisë në Vueling.Fluturimi i parë u prit në TIA me një ceremoni simbolike në zonën airside, ku morën pjesë drejtues të aeroportit, përfaqësues institucionalë dhe media. Pasagjerët u pritën me ëmbëlsira, ekuipazhi me lule dhe ceremonia e prerjes së shiritit shënoi zyrtarisht hyrjen e Vueling në tregun shqiptar.“Mikpritja e Vueling në Tiranë është një moment historik që pasqyron tërheqjen gjithnjë e më të madhe të aeroportit në nivel global,” u shpreh Piervittorio Farabbi, Drejtor Operacional i TIA-s. Ai theksoi se kjo linjë forcon pozicionimin e Tiranës si një qendër rajonale në aviacion.Edhe Agjencia Kombëtare e Turizmit e përshëndeti këtë zhvillim. Drejtoresha Zana Cela u shpreh se “Fillimi i fluturimeve direkte nga Barcelona me Vueling është një tjetër tregues i njohjes ndërkombëtare në rritje që po merr Shqipëria si destinacion turistik. Këto lidhje janë thelbësore për ndarjen e bukurive tona natyrore dhe kulturore me një audiencë më të gjerë evropiane.”Hyrja e Vueling është pjesë e një prirjeje në rritje të interesit nga kompani ndërkombëtare për Shqipërinë, e cila po forcohet si një nyje atraktive udhëtimi dhe investimi në rajon. Linja e re pritet të ketë ndikim pozitiv në rritjen e turizmit, veçanërisht gjatë sezonit veror.
-
Disa zona të Tiranës mbeten pa ujë, UKT: Ka defekt tek depo në Farkë…
Ujësjellës Kanalizime Tiranë njofton se për shkak të një defekti në linjën e transmetimit që furnizon Depon e Liqenit të Farkës, qytetarët në disa zona të Tiranës do të përballen me reduktim të furnizimit me ujë.
Zonat e prekura janë: Sauk – Rruga “Ramazan Begu”, Sauk – Rruga Elbasanit, Mjull-Bathore (Palush), Farkë e Vogël (Lagjia Daxhit), Farkë e Vogël (Fshati i Ri), Farkë e Vogël – Rruga Tuneleve dhe Farkë e Vogël (Lagjia Saukbalve).
“Skuadrat e Ujësjellës Kanalizime Tiranë ndodhen aktualisht në terren dhe po punojnë intensivisht për të zgjidhur sa më shpejt defektin dhe për të rikthyer furnizimin me ujë në normalitet”, thuhet në njoftim.
-
Wizz Air 5 vjet në Shqipëri! Linja zgjerohet edhe me 3 destinacione të reja, 62.8 milionë pasagjerë në 2024
Aeroporti Ndërkombëtar i Tiranës (TIA), festoi me krenari pesë vjet partneritet të suksesshëm me Wizz Air, një nga linjat ajrore me kosto të ulët në Evropë. Për një përvjetor sa të rëndësishëm dhe plot surpriza, u organizua një event i veçantë me pjesëmarrjen e përfaqësuesve të Wizz Air, mediave, partnerëve institucionalë, Ambasadorëve të TIA dhe stafit të aeroportit.
Bashkëpunimi i rëndësishëm mes Aeroportit Ndërkombëtar dhe Wizz Air në ofrimin e cilësisë së shërbimit dhe zgjerimit të rrjetit ishte edhe mesazhi i dhënë nga Drejtori i Përgjithshëm Operacional i Aeroportit Ndërkombëtar të Tiranës, Piervittorio Farabbi.
“Jemi krenarë të festojmë pesë vite partneritet me Wizz Air—një kompani që ka ndikuar ndjeshëm në zgjerimin e lidhjeve ndërkombëtare të Shqipërisë. Falë vizionit dhe investimeve të Grupit Kastrati, TIA vazhdon të zhvillohet si një qendër rajonale, duke u ofruar pasagjerëve më shumë akses drejt Evropës dhe duke përmirësuar përvojën e udhëtimit. Jemi të motivuar të arrijmë edhe më shumë arritje së bashku. Sot shënon një moment të rëndësishëm për Wizz Air në Shqipëri. Në vetëm pesë vite, Tirana është kthyer në një bazë kyçe për rrjetin tonë rajonal dhe jemi të lumtur ta festojmë me destinacione të reja dhe një ofertë speciale për klientët tanë.”, shprehet Piervittorio Farabbi, drejtor i përgjithshëm operacional i aeroportit ndërkombëtar të Tiranës.
Në event u njoftuan me sukses edhe përfshirja në hartën e Wizz Air I 3 linjave të reja nga Tirana drejt: Larnaka Qipro, Málaga Spanjë dhe Malta të cilat do të nisin operimin në tetor 2025.
Ndërsa një promocion të veçantë një-ditor, me 15% ulje për fluturimet e përzgjedhura drejt dhe nga Tirana për rezervime të bëra më 1 Korrik 2025 dhe për udhëtime deri më 31 Gusht 2025 do të jetë në dispozicion për të gjithë qytetarët.
“Falënderojmë Aeroportin e Tiranës për mbështetjen e vazhdueshme dhe presim me padurim të rritemi më tej së bashku”, thotë Salvatore Gabriele Imperiale, menaxher i komunikimit korporativ në Wizz Air.
Me këto risi duke i ofruar pasagjerëve më shumë mundësi për udhëtime kulturore dhe pushime nëpër Evropë, Wizz Air do të operojë 53 destinacione në 18 shtete nga Aeroporti Ndërkombëtar i Tiranës. Me një flotë prej 237 avionësh, Wizz Air ishte zgjedhja e preferuar të 62.8 milionë pasagjerëve në vitin 2024.
Top Channel
-
Ndryshimet e Tiranës, u humbën 1.575 milionë euro nga sezoni i kaluar
Tiranës i janë larguar 12 vetë, ndërsa në shifra dëmi është i madh. Veçse Jakut që u shit rreth 250 mijë euro, pjesa tjetër e lojtarëve është larguar falas.
Me një llogari, skuadra ka humbur më shumë se 1.575 milionë euro nga ikja e sportistëve, pasi kartonët e 12 futbollistëve vlejnë 1.825 milionë euro.Jaku është shitur 250 mijë euro dhe minusi mbetet 1.575 milionë euro. Në çdo rast, Tirana del e humbur.
-
2 kandidatët me më shumë vota të pamerituara në Fier/Braho:Jo në kushtet e gabimit..
Për Qarkun e Fierit janë numëruar më shumë se gjysma e votave. Por ndryshe nga rinumërimi i Tiranës, në këtë qark disa kandidatë kanë vota të pamerituara mbi masën 10%.
Kjo sipas anëtarit të Komisionit të Sanksioneve dhe Ankesave, Ledio Braho, tregon se nuk jemi më në kushtet e gabimit njerëzor dhe se ka një veprimtari të paligjshme. Ai tha në një intervistë për Klan News se sa i përket partive, ndryshimet janë të papërfillshme.
“Trendi është krejtësisht i ndryshëm nga ai i Qarkut të Tiranës. Në qoftë se në Qarkun e Tiranës përqindjet e lëvizjes së votave ishin te 1%-shi, pra përqindje e papërfillshme, në rastin e Qarkut të Fierit vihen re kandidatë që kanë vota të pamerituara mbi masën 10% që tregon që nuk kemi si nuk kushtet e Tiranës, nuk jemi në kushtet e gabimit njerëzor, por duket që ka veprimtari të qëllimshme nga grupet e numërimit. Nuk di të them në bashkëpunim me kandidatët apo me subjekte zgjedhore, por ajo që është fakt që vihet re nga ndryshimi i rezultatit është që ka ndryshime thelbësore në qendrat e votimit. Votat e një kandidati që i janë shtuar një kandidati tjetër gjithnjë brenda llojit. Po të vihet re, në Qarkun e Fierit, ndryshimet mes subjekteve zgjedhore janë më të vogla, të papërfillshme, ndërkohë ajo që del në pah, është se ka mes kandidatëve, si mes PS dhe PD-së ka ndryshime votash thelbësore”, tha Braho.
Sipas tij, grupet e numërimit rrezikojnë të përballen me procedim penal nëse vërtetohet se kanë ndërmarrë veprimtari të qëllimshme për të tjetërsuar vullnetin e zgjedhësve.
“Ajo që rrezikojnë është konsumimi i një vepre penale që ka të bëjë me tjetërsimin e vullnetit të zgjedhësit dhe patjetër që mund të rrezikojnë procedim penal dhe dënim penal në rast se do vërtetohet që kanë qenë veprimtari të qëllimshme për të tjetërsuar vullnetin e zgjedhësve”, tha Braho.
-
“Familja ime po vuan nga kjo situatë”, nëna e Veliajt letër të hapur për burgosjen e të birit: U përfshimë në një makth kafkian, e arrestuan pa akuzë
Erion Veliaj, Kryetari i Bashkisë së Tiranës, është mbajtur në paraburgim prej 5 muajsh pa u ngritur akuza, ndërsa po hetohet nga SPAK.
Ai u arrestua nga Struktura e Posaçme Kundër Korrupsionit dhe Krimit të Organizuar (“SPAK”) në shkurt, pas akuzave (të cilat ai i mohon) për korrupsion.
Deri më sot nuk i është paraqitur ndonjë provë dhe nuk është ngritur asnjë akuzë zyrtare ndaj tij. Megjithatë, ai ka qëndruar në paraburgim gjatë gjithë kësaj kohe. Atij i është mohuar edhe e drejta për vizitë nga ekipi i tij ndërkombëtar ligjor (Mishcon de Reya dhe Kasowitz).
Vendimi për vazhdimin e paraburgimit të tij është miratuar nga gjykata e SPAK-ut pa një vlerësim real nëse paraburgimi i mëtejshëm është i nevojshëm, proporcional apo i arsyeshëm, dhe pa marrë në konsideratë seriozisht alternativa të tjera përveç paraburgimit. Edhe pse Erioni dhe familja e tij mbështesin misionin e SPAK-ut, paraburgimi i tij i vazhdueshëm pasqyron një prirje shqetësuese më të madhe në Shqipëri: 60% e të burgosurve ndodhen në paraburgim.
Eureporter ka publikuar gjithashtu një letër të hapur nga nëna e tij:
Pse Europa po mbyll sytë ndaj një shkeljeje të qartë të vetë vlerave mbi të cilat është ndërtuar BE-ja?
Nga Shqiponja Veliaj, nëna e Erion Veliajt, Kryetarit të Bashkisë së Tiranës
“Pak më shumë se katër muaj më parë, familja ime u përfshi papritur në një makth kafkian. Në një ditë të zakonshme në shkurt, djali im, Erioni, tre herë i zgjedhur Kryetar i Bashkisë së Tiranës, i cili ka bërë aq shumë për të rigjallëruar kryeqytetin, u arrestua nga SPAK-u, institucioni i pavarur antikorrupsion. Arrestimi u bë në bazë të disa akuzave anonime drejtuar policisë nga një person fiktiv, gati dy vite më parë. Akuza që djali im i mohon kategorikisht.
Që nga ajo ditë, ai është mbajtur në izolim pothuajse të plotë, pa u ngritur asnjë akuzë ndaj tij. I është mohuar qasja te avokatët e tij ndërkombëtarë dhe ndalimi i tij e pengon të përmbushë detyrimet që rrjedhin nga mandati që qytetarët e Tiranës i kanë dhënë me votë.
Është e rëndësishme të shqyrtojmë edhe kontekstin më të gjerë. Shqipëria është në rrugën drejt anëtarësimit në Bashkimin Evropian, ndoshta që në vitin 2030. Si një shqiptare krenare, kjo është shumë e rëndësishme për të gjithë ne. Do të sjellë më shumë mirëqenie për vendin tonë dhe do të hapë dyer për turizëm dhe vende pune. Gjithashtu do të sjellë stabilitet dhe bashkëpunim më të thelluar në fushën e sigurisë dhe mbrojtjes.
Një nga pengesat më të mëdha drejt anëtarësimit është respektimi i shtetit të së drejtës dhe lufta kundër korrupsionit. Nuk është sekret që Shqipëria ka ende shumë për të përmirësuar në këtë drejtim. Kam parë vendin tim të dalë nga komunizmi, një kohë kur njerëzit zhdukeshin nga policia e shtetit dhe jetonin me frikë.
Roli i SPAK-ut ka qenë thelbësor në luftën kundër korrupsionit, në zbatimin e reformës në drejtësi dhe përmirësimin e sistemit gjyqësor. Por tani duket se po ushtron pushtet të gjerë me mbikëqyrje të kufizuar. Familja ime e mbështet plotësisht nevojën për të hetuar çdo dyshim për abuzim. Korrupsioni në Shqipëri duhet luftuar me forcë, dhe institucionet që kanë këtë mision duhet të jenë të fuqizuara për ta përmbushur. Askush nuk duhet të jetë mbi ligjin, as djali im, as ndonjë zyrtar tjetër publik. Por po ashtu, askush nuk duhet të mbahet i ndaluar pa akuza, pa proces të rregullt ligjor, pa transparencë dhe pa qasje te mbrojtja ligjore.
Pse po heshtin institucionet e BE-së dhe vendet anëtare ndërkohë që një nga figurat më të dukshme të politikës së zgjedhur shqiptare mbahet në paraburgim pa akuza, ndoshta në kundërshtim me Konventën Evropiane për të Drejtat e Njeriut (KEDNJ)?
Familja ime po vuan shumë nga kjo situatë. Por nuk jemi të vetmit. Kjo praktikë “arresto tani dhe grumbullo prova më vonë” ka ndodhur edhe me Thoma Gëllçin, për të cilin KEDNJ e cilësoi paraburgimin e tij si të paligjshëm. Mijëra shqiptarë mbahen në paraburgim dhe përqindja e të paraburgosurve në Shqipëri është shumë më e lartë se mesatarja evropiane. Disa njerëz mbahen me vite. Kjo karakteristikë e sistemit tonë gjyqësor shkatërron jetë dhe karriera. Organet e antikorrupsionit duhet të veprojnë me standardet më të larta hetimore, duke shmangur arrestime spektakolare që më vonë mund të shpallen të paligjshme në gjykata më të larta nëse nuk është respektuar procesi i rregullt ligjor.
Kjo nuk është reforma që kemi pritur. SPAK ka arritur përparim të vërtetë, por ai përparim duhet të matet jo vetëm me numrin e arrestimeve, por edhe me gjykime të drejta, gjykata të pavarura dhe mbrojtjen e të drejtave të njeriut.
Avokati dhe aktivisti i njohur shqiptar për të drejtat civile, Dorian Matlia, e tha troç: “Në Shqipëri të fusin në burg më parë dhe pastaj mbledhin provat.” Sistemi i mbyll njerëzit në burg dhe më pas e arsyeton vendimin me prova të dyshimta. Nëse provat nuk mjaftojnë, gjykatat shpallin fajësi për të justifikuar muajt e ndalimit.
Liderët evropianë nuk duhet të qëndrojnë në heshtje vetëm sepse në letër, rrëfimi i përparimit të Shqipërisë duket i mirë.
Mund të krijohen institucione, mund të shkruhen ligje, por ato duhet të zbatohen drejt. Në këtë rast, procesi i rregullt ligjor po injorohet. Të drejtat po shkelën. Dhe besueshmëria e sistemit tonë të drejtësisë është në rrezik.
Kjo nuk ka të bëjë me mbrojtjen e djalit tim nga përgjegjësia. Ai është vetëm një nga shumë individët që ndodhen nën efektin e këtij problemi sistemik në Shqipëri. Ka të bëjë me mbrojtjen e parimeve themelore që mbështesin demokracinë – përfshirë prezumimin e pafajësisë, të drejtën për liri, detyrimin për të ngritur ose jo akuza dhe trajtimin njerëzor të të gjithë të ndaluarve, pa dallim politik.
Si qytetare shqiptare dua të shoh vendin tim të veprojë drejt për të gjithë njerëzit e tij. Si nënë e Erionit, dua të di që ai do të trajtohet me dinjitet.”Top Channel
-
Veliaj publikon videon: Rruga e Kosovarëve, nga balta te transformimi
Kryetari i Bashkisë së Tiranës, Erion Veliaj, ka shpërndarë një video në rrjete sociale, përmes të cilës shfaq transformimin e një prej rrugëve ikonike të Tiranës, e njohur si “Rruga e Kosovarëve”.
Në postimin e tij, Veliaj i fton qytetarët të bëjnë krahasimin mes pamjes së dikurshme dhe asaj të sotme të kësaj rruge, duke theksuar se ndryshimi është rrënjësor.
“Shikoje pak këtë videon për të kujtuar si ka qenë ‘Rruga e Kosovarëve’ dhe bëj krahasimin: E lënë në harresë e baltë deri në 2015, e nxorrëm në dritë me korsi biçikletash, trotuare dhe pemë, sa tani duket sikur ka qenë gjithmonë siç është sot”, shkruan Veliaj krahas videos. -
Pas një serie vjedhjesh në Tiranë, dy autorë me precedentë penalë në pranga/ Policia jep detaje mbi operacionin
Policia e Tiranës ka arrestuar dy persona të dyshuar për një seri vjedhjesh në kryeqytet. Ata akuzohen për 9 raste, përfshirë vjedhjen në dyqane dhe grabitjen e motomjeteve elektrike dhe biçikletave.
Të arrestuarit, të njohur më parë për krime të ngjashme, u kapën pas hetimeve intensive të komisariateve nr. 2 dhe nr. 3. Materialet iu dorëzuan Prokurorisë së Tiranës për veprime të mëtejshme. Në pranga kanë rënë shtetasit Erjon Sopoti dhe Abdulla Zyberi.
Njoftimi i policisë:
Tiranë/Vijojnë hetimet dhe veprimet operacionale, me qëllim identifikimin dhe kapjen e autorëve të vjedhjeve.
Zbardhen 9 vjedhje. Vihen në pranga 2 autorët e tyre, me precedent për të njëjtin krim.
Si rezultat i veprimeve hetimore dhe atyre policore të kryera nga shërbimet e komisariateve të Policisë Nr. 2 dhe Nr. 3, menjëherë pas kallëzimeve të qytetarëve, për raste vjedhjesh, janë identifikuar, kapur dhe vënë në pranga shtetasit E. S., 26 vjeç dhe A. Z., 32 vjeç, të dy banues në Tiranë.
Këta shtetas dyshohet se kanë vjedhur në 4 subjekte, si dhe se kanë vjedhur 5 motomjete elektrike dhe biçikleta.
Punohet për zbardhjen e vjedhjeve të tjera që mund të kenë kryer ata.
Materialet procedurale iu referuan Prokurorisë së Tiranës, për veprime të mëtejshme. -
Vodhën në 4 subjekte, grabitën motorë e biçikleta/ 2 në pranga, me precedentë për..
Policia e Tiranës ka zbardhur 9 vjedhje në kryeqytet, ku janë vënë në pranga 2 autorët e tyre, me precedentë për të njëjtin krim.
Si rezultat i veprimeve hetimore dhe atyre policore të kryera nga shërbimet e komisariateve të Policisë Nr. 2 dhe Nr. 3, menjëherë pas kallëzimeve të qytetarëve, për raste vjedhjesh, janë identifikuar, kapur dhe vënë në pranga shtetasit E. S., 26 vjeç dhe A. Z., 32 vjeç, të dy banues në Tiranë.
“Këta shtetas dyshohet se kanë vjedhur në 4 subjekte, si dhe se kanë vjedhur 5 motomjete elektrike dhe biçikleta. Punohet për zbardhjen e vjedhjeve të tjera që mund të kenë kryer ata”, thuhet në njoftimin e policisë.
Materialet procedurale iu referuan Prokurorisë së Tiranës, për veprime të mëtejshme. -
Shpërndanin kokainë me makinë luksoze, arrestohen dy të rinjtë në Tiranë
Operacioni, në vazhdën e aksioneve të Policisë së Tiranës, kundër shitjes në doza/sasi të lëndëve narkotike.
Siguronin lëndë narkotike Kokainë, e cila iu jepej shtetasve të tjerë, për ta ndarë dhe shitur në doza në Tiranë të Re, Kombinat dhe Selitë, arrestohen në flagrancë 2 shtetas.
Gjatë kontolleve, iu gjetën në total 1 kg e 234 gramë lëndë narkotike Kokainë.
Si rezultat i një hetimi tremujor, të ndjekur me metoda proaktive, në bashkëpunim me Prokurorinë e Tiranës, në vijim të operacioneve policore kundër veprimtarive kriminale në fushën e narkotikëve, Seksioni për Hetimin e Narkotikëve finalizoi operacionin “Furnitorët”.
Në kuadër të tij, u kapën në flagrancë, teksa lëviznin me automjet, në aksin rrugor “Ura e Beshirit – Pezë”, dhe u vunë në pranga shtetasit B. A., 27 vjeç dhe R. S., 27 vjeç, të dy banues në Tiranë.
Gjatë kontrolleve fizike, në automjet dhe në banesa, atyre iu gjetën në total 1 kg e 234 gramë lëndë narkotike Kokainë, që dyshohet se do t’iu jepej shtetasve të tjerë, me qëllim shpërndarjen në doza në zonat “Tiranë e Re”, “Kombinat” dhe në Selitë.
Vijojnë hetimet për identifikimin dhe nxjerrjen përpara përgjegjësisë penale të të gjithë shtetasve të përfshirë në këtë veprimtari kriminale.
Lënda narkotike u sekuestrua së bashku me automjetin dhe 2 celularët e të arrestuarve.
Materialet procedurale iu referuan Prokurorisë së Tiranës, për veprime të mëtejshme.Top Channel
-
Arrestohen dy furnitorët e drogës në Tiranë, sekuestrohen 1.2 kg kokainë (Emrat)
Policia e Tiranës ka arrestuar dy te rinj, pasi shpërndanin kokainë në zona të ndryshme të Tiranës. Në pranga ranë Braild Aga dhe Ronaldo Spahiu, 27 vjeç, të dy banues në Tiranë.
Gjatë kontrolleve fizike, në automjet dhe në banesa, të rinjve iu gjetën në total 1 kg e 234 gramë lëndë narkotike Kokainë, që dyshohet se do t’iu jepej shtetasve të tjerë, me qëllim shpërndarjen në doza në zonat “Tiranë e Re”, “Kombinat” dhe në Selitë.
Njoftimi i policise
Si rezultat i një hetimi tremujor, të ndjekur me metoda proaktive, në bashkëpunim me Prokurorinë e Tiranës, në vijim të operacioneve policore kundër veprimtarive kriminale në fushën e narkotikëve, Seksioni për Hetimin e Narkotikëve finalizoi operacionin “Furnitorët”.
Në kuadër të tij, u kapën në flagrancë, teksa lëviznin me automjet, në aksin rrugor “Ura e Beshirit – Pezë”, dhe u vunë në pranga shtetasit B. A., 27 vjeç dhe R. S., 27 vjeç, të dy banues në Tiranë.
Gjatë kontrolleve fizike, në automjet dhe në banesa, atyre iu gjetën në total 1 kg e 234 gramë lëndë narkotike Kokainë, që dyshohet se do t’iu jepej shtetasve të tjerë, me qëllim shpërndarjen në doza në zonat “Tiranë e Re”, “Kombinat” dhe në Selitë. -
Pas Tiranës, nis rinumërimi i votave për Fierin
Ka nisur sot procesi i numërimit të 587 kutive të qarkut të Fierit, proces që po kryhet në pallatin e sportit “Farie Hoti”.
Deri tani më tani janë numëruar vetëm 31 kuti dhe PD- ASHM ka 7 vota më shumë, ndërsa Partia Socialiste ka 4 vota më shumë.Rinumërimi për Fierin vjen pas procesit për qarkun e Tiranës, që nuk prodhoi asnjë ndryshim.
-
Bypass-i i Tiranës përmbyll autostradën Milot-Fier, pjesë e Korridorit Adriatiko-Jonian
Hapja e procedurës tenderuese për ndërtimin e Bypass-it të Tiranës nga Autoriteti Rrugor Shqiptar shënon përmbylljen e të gjitha segmenteve të aksit Milot–Fier, pjesë e Autostradës Adriatiko – Joniane.Kjo, pasi një nga lotet e kësaj autostrade përfshin një pjesë të këtij bypass-i.Reklama në FieriWeb – “Oazi i Pishave”
Ndërtimi i Autostradës Milot–Fier, një nga projektet më të rëndësishme të infrastrukturës rrugore në vend, po ecën me ritme të ndryshme në pesë lotet e saj. Me një gjatësi totale prej 114 kilometrash, kjo autostradë është pjesë e Korridorit Adriatiko–Jonian dhe përfshin lidhjen e një sërë segmentesh, që aktualisht ndodhen në faza të ndryshme ndërtimi apo tenderimi. Reklama në FieriWeb – “CAPRICCIOSA LALI”
Segmenti më i avancuar është ai Thumanë–Kashar, me një gjatësi prej 21 kilometrash, ku punimet kanë përfunduar dhe është hapur për qarkullimin e automjeteve. Ndërkohë, tre segmentet e tjerë: Milot – Thumanë, Kashar – Lekaj dhe Lekaj – Fier janë gjithashtu të kontraktuara për ndërtim dhe kompanitë ndodhen në procesin e sigurimit të lejeve për nisjen e punimeve. Të katër këto segmente do të realizohen përmes kontratave koncesionare.Reklama në FieriWeb – “PASTIÇERI “RUSTEMAJ”
Reklama në FieriWeb – “BREGU CLIMA”
Ndryshe paraqitet rasti i bypass-it të Tiranës, i cili do të ndërtohet me financim të drejtpërdrejtë nga buxheti i shtetit. Ky bypass do të ketë një gjatësi totale prej 21.6 kilometrash, nga të cilat 7 kilometra përkojnë me seksionin Kashar – Lekaj. Kjo pjesë e përbashkët nuk do të ndërtohet nga koncesionari i segmentit, por nga kompania që do të realizojë punimet për bypass-in e Tiranës.Reklama në FieriWeb – “COVIM CAFFE”
Si rezultat, gjurma totale që do të përfshijë ky segment arrin në 33.6 kilometra, por vetëm një pjesë e saj është objekt i kontratës koncesionare. Për ndërtimin e bypass-it të Tiranës, ARRSH ka hapur pak ditë më parë dy procedura tenderimi, me një fond total limit prej 6 mld lekësh. Bëhet fjalë për fazën e parë dhe të dytë të ndërtimit të segmentit Kashar – Nyja Vaqarr, që përfaqëson një pjesë të gjurmës së bypass-it.
/Scan/
-
Pas Tiranës, rinumërimi i votave kalon në Fier, a do ketë ndonjë surprizë?
Me vendim të Komisionit të Ankimimeve dhe Sanksioneve nesër do të nisë procesi i rinumërimit të votave për të gjithë qarkun e Fierit për subjektet politike dhe kandidatët.
Ankimimi u bë në KAS nga Nisma Shqipëria Bëhet e cila humbi një mandat në Fier për rreth 500 vota, përballë Partisë Socialiste, ndërsa Partia Demokratike nuk shpreson për mandat por e konsideron si një aksion në shërbim të transparencës.
Pas Fierit rinumërimi do të zhvillohet edhe per 257 kutitë e qarkut të Durrësit, përfshirë edhe diasporën.
Të premten përfundoi rinumërimi për qarkun e Tiranës, por nuk solli asnjë ndryshim në rezultat.
-
Rinumërimi i Fierit nis nesër, procesi mund të vendosë ndryshimin e mandatit të 16
Pas rinumërimit të kutive të Tiranës, të hënën nis i njëjti proces për 587 kuti të qarkut të Fierit.
92 grupe numërimi ne total të KQZ do të vendosen ne ambientet e Pallatit të Sportit “Fahrie Hoti” për të verifikuar votat për subjektet zgjedhore dhe për kanidatët që morën pjesë në zgjedhjet e 11 majit.
Në këtë qark PS fitoi 12 mandate, ndërsa opozita vetëm 4 deputetë. Kjo kërkesë e PD për hapjen e kutive i shkon në favor edhe Nismës “Shqipëria Bëhet”, koalicion i cili mund t’i rrezikojë mandatin e deputetes së zgjedhur të PS, Zegjine Çaushi.
Me përfundimin e Fierit do të rinumërohen edhe kutitë e Durrësit. Akuzat e PD për trafikim votash nuk u vërtetuan nga rinumërimi i Tiranës, përkundrazi më e humbura ishte vetë opozitës me 612 vota më pak, ndërsa PS ju zbriten 381 vota, por duke mos ndikuar në rezultatin final të ndarjes së mandateve. -
Vangjeli: Qytetarët presin bonusin e qirasë dhe banesat, Bashkia e Tiranës bën tendera për mobilie
Zëdhënësja e Antikorrupsionit në PD, Genta Vangjeli ka denoncuar bashkinë e Tiranës.
Gjatë një deklarate për mediat nga selia blu, Vangjeli u shpreh se, ndërsa qytetarët ende presin për të marrë bonuset e qirave dhe banesat e rindërtuara, bashkia bën tendera për të mobiluar zyrën e kryetares së komanduar nga Rama.
Deklarata e zëdhënëses së Antikorrupsionit në PD, Genta Vangjeli:
Partia Demokratike denoncon shpërdorimin e fondeve publike nga Bashkia e Tiranës përmes tenderave të dyshimtë dhe me mungesë konkurrence, që rëndojnë buxhetin e qytetarëve dhe nuk reflektojnë prioritetet e vërteta të komunitetit.
Sipas open procurement, në total, 17 milion euro me TVSH janë shpenzuar nga Bashkia e Tiranës për pajisje dhe orendi mobilimi, përmes 63 tenderave, ku janë shpallur fitues vetëm 16 operatorë ekonomikë – mesatarisht 4 tendera për çdo operator.
Ky përqendrim alarmues nuk është aspak rastësor, por pasojë e kritereve kualifikuese të hartuara me qëllim favorizimin e subjekteve të caktuara, në shkelje të konkurrencës së ndershme.
Ky model është tashmë i dukshëm edhe në drejtimin e kryetares së komanduar të Bashkisë Tiranë, znj. Anuela Ristani.
Në datë 23 qershor, ishte parashikuar zhvillimi i një procedure prokurimi me objekt:
‘Blerje pajisje dhe orendi për nevoja të institucioneve të Bashkisë Tiranë, Loti 2’, me fond limit 310 mijë euro.
Kjo procedurë përmban kritere të pajustifikuara dhe joproporcionale me objektin dhe natyrën e kontratës, duke cënuar ligjshmërinë dhe parimet e barazisë së trajtimit të operatorëve, në kundërshtim me:
Nenet 2, 3, 21 dhe 77 të Ligjit nr. 162/2020 ‘Për prokurimin publik’, i ndryshuar;
nenet 40, 41, dhe 78, të VKM nr. 285, datë 19.05.2021 ‘Për miratimin e rregullave të prokurimit publik’, i ndryshuar.
Në një kohë kur qytetarët e Tiranës presin ende përfundimin e procesit të rindërtimit, pagesën e bonuseve të qirasë dhe mbështetje për familjet në nevojë, është e papranueshme që përparësi t’u jepet tenderave për mobilim luksoz.
Partia Demokratike i bën thirrje Bashkisë së Tiranës dhe znj. Ristani të rishikojnë menjëherë këto praktika të dëmshme dhe të fokusohen në nevojat reale të qytetarëve.
Çdo shkelje apo abuzim me fondet publike do të monitorohet dhe denoncohet me vendosmëri nga opozita.
-
Rinumërimi i Tiranës nuk e ndryshoi humbjen e thellë të Berishës, ish-deputeti i PD: I detyrohemi një ndjesë numëruesve
Ish-deputeti i Partisë Demokratike, Keltis Kruja, ka reaguar pas përfundimit të procesit të rinumërimit të votave në Qarkun e Tiranës, duke e konsideruar gjithë procesin si një fyerje ndaj integritetit të numëruesve të opozitës dhe ku shprehet se ndaj tyre duhet të kërkohet ndjesë.
Në një postim në rrjetin social Facebook, Kruja thotë se pas përfundimit të rinumërimit, është e qartë se nuk ka pasur asnjë manipulim apo shkelje që të justifikonte akuzat e bëra pas zgjedhjeve. Ai u shpreh se numëruesit e PD-së janë njerëz me integritet, të cilët u vunë padrejtësisht në shënjestër dhe për këtë i gjithë kampi opozitar dhe Berisha u detyrohet një ndjesë publike.
“Tani që rinumërimi i Tiranës mbaroi, të gjithë i detyrohemi një ndjesë të madhe numëruesve tanë, puna dhe integriteti i të cilëve, me apo pa dashje, u vu në dyshim. Vajza e djem, gra e burra që sakrifikojnë çdo ditë për atë që besojnë. Respekt.”- shkruan Kruja.
Pas nëntë ditësh rinumërim të të gjitha kutive të votimit në qarkun e Tiranës, procesi u mbyll pa asnjë surprizë, duke mos sjellë asnjë ndryshim në ndarjen e mandateve mes partive politike, as brenda vetë listave të kandidatëve. Rinumërimi prodhoi vetëm një ndryshim minimal në vota, ku Partia Demokratike rezultoi me 612 vota më pak se në numërimin e parë, ndërsa Partia Socialiste humbi 380 vota.
Për dy anëtarët e Komisionit të Ankesave dhe Sanksioneve (KAS), Koli Bele dhe Ledio Braho, ky proces ka shërbyer për të hedhur dritë mbi një sërë akuzash që rezultuan të pabaza dhe për të garantuar transparencë të plotë ndaj publikut.
Pas Tiranës, Komisioni Qendror i Zgjedhjeve do të vijojë me hapjen e kutive edhe në qarqet Fier dhe Durrës, në përpjekje për të verifikuar edhe atje pretendimet për parregullsi.
Por ajo që bie më shumë në sy, është se edhe brenda vetë Partisë Demokratike po rritet zëri i atyre që e shohin këtë proces si një manovër të kotë politike dhe si një goditje ndaj punës së njerëzve të ndershëm që kontribuojnë në proceset zgjedhore. -
As rinumërimi s’ia shpëtoi ‘nderin’ Berishës / PD pranon humbjen në Tiranë, ish-deputeti kërkon ndjesë numëruesve
Ish-deputeti i Partisë Demokratike, Keltis Kruja, ka reaguar pas përfundimit të procesit të rinumërimit të votave në Qarkun e Tiranës, duke e konsideruar gjithë procesin si një fyerje ndaj integritetit të numëruesve të opozitës dhe ku shprehet se ndaj tyre duhet të kërkohet ndjesë.
Në një postim në rrjetin social Facebook, Kruja thotë se pas përfundimit të rinumërimit, është e qartë se nuk ka pasur asnjë manipulim apo shkelje që të justifikonte akuzat e bëra pas zgjedhjeve. Ai u shpreh se numëruesit e PD-së janë njerëz me integritet, të cilët u vunë padrejtësisht në shënjestër dhe për këtë i gjithë kampi opozitar dhe Berisha u detyrohet një ndjesë publike.
“Tani që rinumërimi i Tiranës mbaroi, të gjithë i detyrohemi një ndjesë të madhe numëruesve tanë, puna dhe integriteti i të cilëve, me apo pa dashje, u vu në dyshim. Vajza e djem, gra e burra që sakrifikojnë çdo ditë për atë që besojnë. Respekt.”- shkruan Kruja.
Pas nëntë ditësh rinumërim të të gjitha kutive të votimit në qarkun e Tiranës, procesi u mbyll pa asnjë surprizë, duke mos sjellë asnjë ndryshim në ndarjen e mandateve mes partive politike, as brenda vetë listave të kandidatëve. Rinumërimi prodhoi vetëm një ndryshim minimal në vota, ku Partia Demokratike rezultoi me 612 vota më pak se në numërimin e parë, ndërsa Partia Socialiste humbi 380 vota.
Për dy anëtarët e Komisionit të Ankesave dhe Sanksioneve (KAS), Koli Bele dhe Ledio Braho, ky proces ka shërbyer për të hedhur dritë mbi një sërë akuzash që rezultuan të pabaza dhe për të garantuar transparencë të plotë ndaj publikut.
Pas Tiranës, Komisioni Qendror i Zgjedhjeve do të vijojë me hapjen e kutive edhe në qarqet Fier dhe Durrës, në përpjekje për të verifikuar edhe atje pretendimet për parregullsi.
Por ajo që bie më shumë në sy, është se edhe brenda vetë Partisë Demokratike po rritet zëri i atyre që e shohin këtë proces si një manovër të kotë politike dhe si një goditje ndaj punës së njerëzve të ndershëm që kontribuojnë në proceset zgjedhore.