Ka qenë një nga deklaratat që bëri më shumë xhiron në rrjete sociale këto ditë: ish-banorja e Big Brother Kosova, Juliana Nura, tha publikisht se biletën për të ndjekur nga afër ndeshjen Shqipëri–Serbi e kishte marrë “nga Presidenti i FSHF-së, Armand Duka”. “I telefonova Dukës dhe më siguroi biletat” tha ish-banorja. Një deklaratë e çuditshme, që ngre më shumë pikëpyetje sesa përgjigje.
Aq më tepër kur vjen në një moment ku procesi i shitjes së biletave për këtë sfidë ka qenë nga më të rregulltat dhe më transparent – me aplikim publik, short elektronik dhe filtra të shumtë për të shmangur abuzimet.
Telesport foli direkt me burime të sigurta pranë Federatës Shqiptare të Futbollit dhe ata thanë për redaksinë tonë se nuk ka asnjë të dhënë zyrtare që të provojë se Juliana Nura ka përfituar ndonjë biletë nga FSHF apo nga Presidenti Duka direkt.
Burimi i tha Telesport se “Në një kohë kur ndarja e biletave ka qenë një sfidë për shkak të kërkesave të jashtëzakonshme (mbi 200 mijë aplikime për më pak se 20 mijë vende), FSHF ka aplikuar për herë të parë të njëjtin sistem që përdor edhe UEFA për finalet e mëdha: short i automatizuar, pa ndërhyrje dhe pa favorizime.
Përballë gjithë kësaj, deklarata e ish-banore së BBVK duket më shumë si një përpjekje për të përfituar nga jehona e ndeshjes dhe për të shtuar disa klikime apo ndjekës të rinj në rrjete sociale – dhe për ta shitur veten si “VIP” për një biletë që mund ta ketë siguruar fare thjesht si gjithë të tjerët ose tia kete blere dikujt.
Presidenti Duka ka ndërruar edhe numrin së fundmi përpara ndeshjes dhe askush nuk ia ka pasur, përtej rrethit të ngushtë familjar dhe punës sidomos sepse eshte zevendes president i UEFA-s.
As për herë të parë, as për herë të fundit që deklarata personale të pa verifikuara përhapen si të ishin të vërteta absolute. Por është detyra e mediave të bëjnë verifikimin më të thjeshtë: në këtë rast, nuk ka asnjë fakt, asnjë dokument, asnjë të dhënë që të vërtetojë versionin “ekskluziv” të Nurës.”, perfundoi burimi i FSHF-së.
Tag: juliana
-
“Deklarata e Juliana Nurës për biletën e ndeshjes Shqipëri-Serbi dhe telefonatës me Dukën, totalisht e shpikur për viralitet.” Burime nga FSHF sqarojnë situatën
-
Modelja nga Kosova: Armand Duka më gjeti 9 bileta për ndeshjen kundër Serbisë
Një skandal i vërtetë u regjistrua me shpërndarjen e biletave nga Federata Shqiptare e Futbollit për ndeshjen Shqipëri-Serbi, ku Armando Duka la jashtë tifogrupin “Tifozat Kuqezi”, duke u justifikuar me faktin se biletat do të shpërndaheshin me shorte, për ta patur mundësinë çdo kush që të merrte.
Por, duket se shorteu ishte thjesht një “kamuflim” për të lënë jashtë kritikët e FSHF-së dhe biletat t’u shpërndaheshin miqëve të Armando Dukës.
Në shkallët e stadiumit kamera filmoi shumë vajza të showbizit shqiptar si Erjola Doçi, Rike Roçi, Luana e Marina Vjollca, Juliana (Xhuli) Nura.
Po ashtu edhe Ermal Mamaqi me Amin, Arbër Hajdari, prokurorët e SPAK, drejtorët e drejtorive, drejtoresha e SHISH Vlora Hyseni, ministre e ministra, por edhe analistët që shohim çdo natë.
Zor të besohet se shorteu i kishte përcaktuar si fitues të gjitha këta “VIP-a”.
Biletat në fakt janë përdorur thjesht si qoka nga Armando Duka.
Këtë gjë e ka nxjerrë zbuluar vetë një prej protagonisteve, ish-banorja e “Big Brother Vip Kosova”, Juliana (Xhuli) Nura, e cila teksa u pyet mbrëmjen e djeshme në një emision në Kosovë, nuk nguroi që të jepte një përgjigje të sinqertë se biletën ia kishte dhënë Armando Duka pas një telefonate.
“Nuk e di a mund ta them publikisht, por i kam bërë një telefonatë Armand Dukës. Nuk e kam marrë me short, por përmes kontakteve që kam në Shqipëri”, u shpreh Juliana, e cila tha se Duka i kishte siguruar jo 1, por 9 bileta.
“Fati është pak edhe si e bën punën. Kam vite që e ndjek Kombëtaren, jam rritur në një familje sportistësh, kam qenë gjithmonë pranë sportit dhe kjo më ka ndihmuar të jem pjesë e çdo ndeshje të rëndësishme të Shqipërisë”. -
“E tradhtoi me trajnerin”, Ter Stegen sqaron ndarjen nga partnerja e tij
Portieri i Barcelonës, Marc Andre Ter Stegen, njoftoi pak ditë më parë ndarjen nga partnerja e tij, Daniela Jehle. Pas lidhjes 13-vjeçare, nga e cila kanë edhe dy fëmijë, ata vendosën t’i japin fund marrëdhënies së tyre.Në postim e tij, lojtari gjerman njoftoi se ndarja ishte paqësore dhe ata ruajnë respekt dhe kontakt me njëri-tjetrin, për shkak të fëmijëve.
Megjithatë, në “Catalunya Radio” gazetarja Juliana Canet bëri një deklaratë të bujshme për këtë ndarje. “Ter Stegen ishte ndarë nga partnerja e tij prej dy muajsh dhe jetonte i vetëm. Pabesia u krye nga gruaja e tij, e cila tradhtoi me trajnerin e tij personal. Ter Stegen duket se nuk e ka pranuar dot diçka të tillë”, tha Juliana Canet.Kjo deklaratë bëri bujë të madhe, duke detyruar lojtarin të dalë me një deklaratë, ku sqaron se asgjë nga këto nuk është e vërtetë.
“Jam i tronditur dhe i zhgënjyer nga ‘Catalunya Radio’, për lajme të rreme dhe shkelje të të drejtave personale. Gazetarët Juliana Canet, Roger Carandell dhe Marta Montaner janë gënjeshtarë që kanë shpërndarë lajme të rreme, duke ofenduar gruan time Daniela dhe reputacionin e saj publikisht në një mënyrë shumë të keqe. Nuk ka pasur asnjë pabesi të Danielës. Asnjë person i tretë nuk ka qenë i përfshirë. Dëmi është i pariparueshëm”, shkruan Ter Stegen.