Aktori i njohur francez Gérard Depardieu është akuzuar për përdhunimin e aktores Charlotte Arnould, njoftoi Gjykata Penale e Departamentit të Parisit, sipas burimeve të transmetuesit BfmTv. Nëse dënohet, ai përballet me deri në 20 vjet burg.
Në një gjyq të mëparshëm, Depardieu u dënua për sulm seksual dhe mori një dënim me 18 muaj burg, të cilin ai e ka apeluar. Vendimi i ri lidhet me akuzat e ngritura nga Charlotte Arnould, e cila e akuzoi aktorin se e kishte përdhunuar dy herë, më 7 dhe 13 gusht 2018, në shtëpinë e tij në Paris.
Pas një hetimi nëntëmujor, padia e parë ishte rrëzuar, por Arnould ngriti një padi të re si paditëse civile. Në dhjetor 2020 u emërua një gjyqtar hetimor paraprak, i cili konkludoi se kishte prova serioze dhe të qëndrueshme. Si rezultat, Gérard Depardieu u akuzua më pas për përdhunim dhe sulm seksual. Prokurorët kërkuan një aktakuzë në gusht 2024.
Depardieu është raportuar për sjellje të pahijshme nga më shumë se 20 gra, por deri tani vetëm kjo çështje e sulmit seksual është çuar në gjykatë. Disa akuza të tjera janë pushuar për shkak të mungesës së provave ose parashkrimit.
Në maj të këtij viti, një gjykatë në Paris e shpalli fajtor për sulm seksual për incidentet që ndodhën gjatë xhirimeve të filmit të vitit 2021, Les Volets Verts. Ai mori dënim me kusht prej 18 muajsh dhe u regjistrua në dosjen penale për mos përmbushje të kritereve të pjesëmarrjes.
Ky rast i ri vë Gérard Depardieu përballë një sfide të madhe ligjore dhe mediat e ndjekin me vëmendje ndërkombëtare.
Tag: gérard
-
Tjetër akuzë për përdhunim ndaj aktorit francez, Gérard Depardieu rrezikon 20 vite burg
-
Barcelona në hall, nxjerr në shitje zbulimin e sezonit të kaluar për 15 milionë euro
Edhe pse ka bërë disa largime këtë merkato, Barcelona sërish e ka të nevojshme për të bërë largime të tjera, me qëllim që të regjistrojë në La Liga, dy transferimet e bujshme, Joan Garcia dhe Marcus Rashford.
Drejtuesit e Barcelonës po mendojnë shitjen e Gerard Martin, zbulimin e sezonit të kaluar në krahun e majtë. 23-vjeçari bëri paraqitje shumë të mira, në një pjesë shumë vendimtare të sezonit, duke zëvendësuar në mënyrë perfekte Alejandro Balde-n, i dëmtuar.
Megjithatë, pozicioni i tij në ekip është dobësuar këtë verë për shkak të daljes në skenë të të riut Jofre Torrents, i cili ka lënë një përshtypje të fortë në parasezon. “El Nacional” raporton se Flick preferon më shumë të riun Jofre Torrents, ndaj po mendohet shitja e Gerard Martin, gjithmonë nëse vjen oferta e duhur.
Barcelona e vlerëson të paktën 15 milionë euro mbrojtësin e ri dhe në marrëveshje do të përfshihet një klauzolë riblerje. Po ashtu, Barcelona do të mbajë dhe një % në rast shitjeje të tij në të ardhmen. Deri tani nuk ka ende oferta konkrete, por katalanasit janë të hapur për largimin e Gerard Martin. -
Itali/ Mbrojtjësi shqiptar Gerard Mirashi transferohet te Nuova Igea Virtus
Materialet e publikuara nga “Diaspora Shqiptare” janë të mbrojtura nga të drejtat e autorit. Rishpërndarja, riprodhimi, modifikimi apo përdorimi i tyre, i pjesshëm ose i plotë, pa lejen e shprehur të redaksisë, është i ndaluar dhe shkel ligjet mbi të drejtat e pronës intelektuale.
-
Gerard Mirashi firmos kontratë 2-vjeçare me Beneventon, një hap i rëndësishëm në karrierën e mbrojtesit shqiptaro-italian
Mbrojtësi i ri shqiptaro-italian Gerard Mirashi, pas një sezoni premtues me ekipin U-19 të Benevento Calcio, ka firmosur këtë javë një kontratë dyvjeçare, e cila do ta mbajë të lidhur me klubin e njohur kampan deri në fund të sezonit 2026-2027.
Kjo kontratë është një tregues i qartë i vlerësimit që klubi i jep këtij lojtari të ri, i cili ka spikatur gjatë pjesës së dytë të sezonit të fundit me paraqitje të qëndrueshme, të sigurta dhe plot potencial zhvillimi. Mirashi, një mbrojtës i gjatë dhe me fizik të ndërtuar për duelet ajrore, ka fituar gradualisht besimin e stafit teknik, veçanërisht nën drejtimin e trajnerit Antonio Floro Flores, ish-sulmues i njohur i Serie A, që këtë sezon mori drejtimin e ekipit U-19 pas përvojës me grupmoshat më të reja të klubit.Gjatë ndeshjeve të fundit të kampionatit, Mirashi jo vetëm që ka qenë pjesë e formacionit titullar, por ka dhënë një kontribut të vlefshëm në mbrojtje, duke u dalluar për ndërhyrjet vendimtare, qetësinë në situata presioni, si dhe për aftësinë për t’u përfshirë në ndërtimin e aksioneve ofensive nga prapavija – një cilësi që e bën atë mbrojtës modern dhe të adaptueshëm në skemat taktike bashkëkohore.
Në prononcimin e tij për “Shkodra Sport”, i riu Mirashi u shpreh:
“Jam thellësisht mirënjohës për këtë mundësi që më jepet nga klubi Benevento dhe për besimin që më ka dhënë trajneri Floro Flores. Do të vazhdoj të punoj fort për të përmbushur pritshmëritë dhe për të ecur përpara në rrugën time si futbollist profesionist.”
Prejardhja shqiptare dhe edukimi sportiv në sistemin italian e bëjnë Gerard Mirashin një profil interesant për të ardhmen, me potencial të dyfishtë për përfaqësim në nivel kombëtar.
Aktualisht, përfaqësimi dhe kujdesi për karrierën e tij është në duart e menaxherit Stefano Lombardi, përfaqësues i agjencisë së njohur PL Sport Agency, e cila ka në portofolin e saj emra të afirmuar në futbollin italian dhe ndërkombëtar.
Redaksia e “Shkodra Sport” i uron Gerard Mirashit suksese në rrugëtimin e tij të ri dhe pret me interes zhvillimet e mëtejshme të një talenti që premton shumë për të ardhmen. -
Aktori francez Gérard Depardieu dënohet me 18 muaj burg për sulm seksual ndaj dy grave
Gérard Depardieu dënohet me 18 muaj burg me kusht për sulm seksual ndaj dy grave.
Një gjykatë në Paris ka dënuar aktorin e njohur francez Gérard Depardieu me 18 muaj burg me kusht, pasi ai u shpall fajtor për sulm seksual ndaj dy grave në një shesh xhirimi në vitin 2021.
Depardieu, një ikonë e kinemasë franceze, i kishte mohuar vazhdimisht akuzat dhe kërkoi që çështja të rrëzohej. Megjithatë, gjyqtari Thierry Donard deklaroi se versioni i tij i ngjarjeve nuk ishte bindës, duke çuar në shpalljen e fajësisë dhe dënimin me kusht.Top Channel
-
Pique nuk heq dorë nga “avazi”! Pas Shakirës, ish-ylli i Barcelonës tradhton dhe të dashurën 12 vite më të re
Gerard Pique, ish-futbollisti i Barcelonës dhe ish-bashkëshorti i këngëtares Shakira, është ndarë nga partnerja e tij 12 vjet më e re, Clara Chia Marti.
Sipas revistës Marca, gazetarja spanjolle Adriana Dorronsoro e konfirmoi ndarjen në emisionin “Vamos a ver”.
“Kam konfirmimin se Gerard Piqué dhe Clara Chia janë ndarë dhe aktualisht po hetoj arsyet. Po më vijnë informacione që flasin për përfshirje të mundshme të një pale të tretë, por ende asgjë nuk është e qartë”, ka deklaruar ajo.
Dorronsoro iu referua edhe një ngjarjeje që besohet të ketë nxitur thashethemet për ndarje. Thuhet se Piqué është parë së fundmi në një pastiçeri në Miami, ku shoqërohej nga një grua me flokë të kuqe, identiteti i së cilës mbetet i panjohur. Ish-mbrojtësi i Barcelonës po kalon kohën mes Barcelonës dhe Miamit.
Rikujtojmë se Piqué e njohu Shakirën në vitin 2010 gjatë xhirimeve të këngës së saj “Waka Waka (This Time for Africa)”, himn zyrtar i Kampionatit Botëror të Futbollit në atë vit. Ata e konfirmuan lidhjen një vit më vonë. Djalin e parë e sollën në jetë më 2013, ndërsa të dytin më 2015. 7 vite më vonë, çifti tronditi publikun me lajmin e ndarjes, të shoqëruar me spekulime për tradhti nga ana e Piqués.
Pak kohë më vonë, ai nisi një lidhje me Clarën, ndërsa për Shakirën përflitet se ka nisur një lidhje me aktorin Lucien Laviscount, i njohur për rolin në serialin “Emily in Paris”.Top Channel
