“Një makinë e prishur në semafor që ndalon qarkullimin”, kështu e përshkruan analisti Fitim Zekthi, Partinë Demokratike të pas zgjedhjeve të 11 majit 2025. Në një intervistë për TemA, Zekthi analizon zhvillimet brenda PD-së, duke theksuar ndër të tjera se Partia Demokratike ka devijuar thellësisht nga vlerat që pretendoi të mishëronte në fillesat e saj. Sipas tij, PD sot është e mbërthyer nga një frymë konspiracioniste që pasqyron një krizë të thellë identitare dhe intelektuale.
Goditja fatale e partisë, sipas Zekthit, ndodhi në periudhën 2008–2009, me ndryshimet kushtetuese, por edhe alencën me LSI-në e Ilir Metës. Ai e cilëson si degradim institucional dhe korruptim të elitave, faktorë të cilët sipas tij, e deformuan misionin fillestar të PD-së. Ai analizon rrugën përmes së cilës PD përfundoi në këtë krizë, duke e përcaktuar atë si rezultat të një procesi të gjatë, ku një elitë e pandryshuar me mendësi bolshevike, e trashëguar që nga fillesat e pluralizmit, mbeti në drejtim të partisë, pa reflektim apo ndryshim të brendshëm.
Momenti i “non-gratës” për Sali Berishën, sipas Zekthit, nuk solli ndarje për arsye morale apo ideologjike, por zbuloi betejën e fshehtë mes dy kampeve brenda po së njëjtës elitë të kalbur.
Historia e përplasjes me leva dhe tulla brenda PD-së, që ai e quan qesharake dhe të pashembullt edhe për vende si Burkina Faso, tregon degradimin e skajshëm të kulturës politike shqiptare. PD nuk është më e refuzuar nga shoqëria vetëm për shkak të individëve, por për shkak të tre tipareve që e bëjnë të papranueshme: mbyllja ndaj alternativave të reja, mospranimi i përgjegjësisë për të shkuarën dhe bashkëjetesa me një pushtet ekonomik e mediatik të përbashkët me rivalët e saj nominalë.
Në këtë realitet, media, krimi i organizuar dhe shoqëria civile shfaqen jo si faktorë kontrolli apo korrigjues, por si bashkëaktorë të kësaj marrëveshjeje të heshtur pushteti. Zekthi ngre pyetje serioze mbi rolin e intelektualëve dhe mbi arsyet pse një aleancë kaq e korruptuar mes Edi Ramës dhe Sali Berishës është pranuar gjerësisht si “normalitet politik”. Ai e përfundon me paralelen tronditëse: në asnjë vend të botës nuk ka një lider si Berisha me një karrierë kaq të gjatë e autoritare, përveç Kamerunit dhe Eritresë — një krahasim që fton për reflektim të thellë mbi mungesën e përballjes me të vërtetën që prej lindjes së PD-së.
Tag: fitim
-
Fitim Zekthi: Analiza e degradimit të PD-së; lufta bolshevike me tulla e leva nuk ka ndodhur as në Burkina Faso
-
Polifonia labe në gjyq/ Historiani Fitim Çaushi, padi në gjykatë: U transformua isopolifonia
19 vjet më parë, isopolifonia u listua në kryeveprat e trashëgimisë gojore të njerëzimit për t’u mbrojtur nga UNESCO, por jo të gjithë janë dakord me këtë pasuri ndërkombëtare.
Një padi gjyqësore po shqyrtohet nga gjyqtarja Gentiana Xhelili pas ankesës së historianit Fitim Çaushi, që thotë se polifonia është tjetërsuar në isopolifoni.
Për këtë, ai akuzon ish-drejtorin e Drejtorisë së Trashëgimisë Shpirtërore, Vasil Tole, duke iu referuar në padi botimeve shkencore për këngën labe, si dhe muzikologëve që përcaktojnë strukturën e polifonisë.
Paditësi pretendon se tjetërsimi i kulturës popullore të Labërisë, Toskërisë dhe Çamerisë ka ndodhur në atë kohë, duke e regjistruar si isopolifoni me referencë tek sirenat greke.
Për këtë arsye, historiani kërkon që gjykata të detyrojë institucionet në Shqipëri të tërheqin dosjen e isopolifonisë nga UNESCO dhe të depozitojnë në UNESCO dosjen e Polifonisë shqiptare, siç e përshkruajnë akademikët.
Kjo çështje është shqyrtuar më herët në gjykatën civile dhe ka të paditur edhe Ministrinë e Kulturës.
Kënga polifonike këndohet pa muzikë në jug të vendit dhe, përveç zërave të marrësit dhe hedhësit, një grup mban iso.Top Channel