Lajmidites.com

Tag: dollarë

  • ETF-të Bitcoin regjistrojnë ditën e 13-të me radhë me hyrje

    ETF-të Bitcoin regjistrojnë ditën e 13-të me radhë me hyrje

    Fondet e tregtueshme në bursë të Bitcoin regjistruan ditën e 13-të me radhë të të hyrave për herë të parë që prej Dhjetorit 2024.

    Gjatë pothuajse dy javëve 2.9 miliardë dollarë janë investuar në këto ETF duke krijuar sentiment pozitiv ndërsa qartësia rregullatore e aseteve dixhitale në fjalë po shtohet dita ditës.
    Të Enjten u regjitruan të hyrat më të larta prej 588 milionë dollarësh për muajin Qershor ndërsa këtë javë hyrë 1.2 miliardë dollarë në total.

    ETF-ja IBIT e BlackRock udhëhoqi me 163.7 milionë dollarë të hyra ditën e Enjte ndërsa FBTC i Fidelity 32.9 milionë dollarë dhe Bitwise BITB me 25.2 milionë dollarë.
    ETF-të e tjera të Ark dhe Invesco regjistruan të hyra modeste.

    Flukset e qëndrueshme tregojnë një interes në rritje nga institucionet për produktet e investimit në kriptomonedha, veçanërisht ndërsa menaxherët e ETF-ve gjithnjë e më shumë kryejnë blerjet përmes kanaleve jashtë bursës për të minimizuar ndikimin në çmim. /PCWorld Albanian

  • Leo Mesi lojtari më i paguar në MLS amerikane, fiton mbi 20 mln dollarë në vit

    Leo Mesi lojtari më i paguar në MLS amerikane, fiton mbi 20 mln dollarë në vit

    Adriatik BALLA
    Argjentinasi Lionel Mesi do të jetë futbollisti më i paguar në ligën MLS të SHBA për vitin e tretë rresht. Ai do të përfitojë 20 milionë, 446 mijë e 667 dollarë, më shumë se pagat e të gjitha 21 skuadrave të tjera të ligës. Paga bazë e Mesit është 12 milionë dollarë, ka njoftuar Shoqata e Futbollistëve të ligës MLS të mërkurën. Shifrat e tij lidhen me marrëveshjen me ligën MLS që është për sezonin 2025, si dhe çdo bonus i fituar në marketing dhe pagat e menaxherit. Ata nuk i kanë llogaritur marrëveshjet shtesë me ekipin apo bashkëpunëtorët e tij, apo bonuset që vijnë nga paraqitjet e tij. Paga mesatare prej 649 mijë e 120 dollarëve është rritur për 9.2 për qind nga 594,389 dollarëve në maj të vitit 2024.
    Mesi i Inter Miamit ishte në krye të ligës me rekordin e pagesës prej 46.8 milionë dollarëve deri më 23 maj, ndërsa ka fituar 41.7 milionë dollarë në fund të sezonit të kaluar. Pagesa e Miamit ishte dyfishi që të gjitha ekipet e tjera paguajnë për lojtarët e tyre, përveç Torontos (34.1 milionë dollarë dhe Atlantës (27.6 milionë dollarë). Cincinati është i katërti me 23.2 milionë dollarë, e përcjellë nga kampioni në fuqi LA Galaksi me 22.9 milionë, Los Angeles FC me 22.4 milionë dollarë dhe Çikago me 22.1 milionë dollarë. Shifrat më të ulëta në paga nga 30 ekipe të ligës i ka Montreali, në më pak se 12 milionë dollarë. Filadelfia është e 29-a me 13.4 milionë dollarë.
    Me kompensimin e 15.4 milionë dollarëve, i dyti në listë është futbollisti i krahut te Toronto, Lorenzo Insinje, i përcjellë nga mesfushori i Miamit, Serxhio Buskets me 8 milionë, 774 mijë e 996 dollarë, futbollisti i Atlantas, Miguel Almiron me 7 milionë, 871 mijë dollarë, Hirving “Chucky” Lozano i San Diegos me 7 milionë, 633 mijë e 333 dollarë, Federico Bernardeschi i Torontos me 6 milionë, 295 mijë e 381 dollarë, Emil Forsberg i Nju Jork Red Bulls me 6 milionë, 023 mijë e 625 dollarë, Jordi Alba i Miamit me 6 milionë dollarë, Riqui Puig i LA Galaksi me 5 milionë, 779 mijë e 688 dollarë, Jonathan Bamba i Çikagos me 5 milionë, 581 mijë e 806 dollarë dhe mesfushori i Nashville, Hany Mukhtar me 5 milionë, 311 mijë e 667 dollarë.
    Njëmbëdhjetë lojtarë përfitojnë nga 5 milionë dollarë apo më shumë dhe 50 futbollistë i fitojnë 2 milionë dollarë apo më shumë. Janë 131 lojtarë që fitojnë një milion dollarë apo më shumë. Totali i kompensimit të 902 lojtarëve të rinj ishte 586 milionë dollarë, mbi 12.9 për qind nga 519 milionë dollarë sa ishte në fillim të vitit 2024. Në fillim të vitit 2023 kishte përfitime prej 460 milionë dollarëve dhe 394 milionë dollarë përfitime kishte në fillim të vitit 2022.

  • Dasma 30 mln dollarëshe në Venecia, ja sa do t’i zbresë Jeff Bezos nga pasuria

    Dasma 30 mln dollarëshe në Venecia, ja sa do t’i zbresë Jeff Bezos nga pasuria

    Showbiz E Enjte, 26 Qershor 2025 20:43
    Festa ekskluzive, vende luksoze dhe rreth 200 të ftuar VIP, deri në 27 fustanet e përgatitura për nusen Lauren Sánchez. Njeriu i tretë më i pasur në botë, siç njihet Jeff Bezos, nuk kurseu asnjë shpenzim për dasmën e tij të ardhshme në Venecia.
    Është e pamundur të përcaktohet sasia e saktë e parave të shpenzuara, por duke pasur parasysh se Guvernatori Zaia foli për një efekt të përgjithshëm të induktuar prej më shumë se 40 milionë eurosh, është e arsyeshme të konsiderohet vlerësimi prej të paktën 30 milionë dollarësh i bërë nga Daily Mail si i besueshëm.

    Numrat flasin vetë: me një kalkulator në dorë, rezulton se 30 milionë dollarë përbëjnë vetëm 0.01% (0.01288%, për të qenë më të saktë) të financave të jashtëzakonshme të 61-vjeçarit me origjinë nga Albuquerque.
    Nëse i shtojmë kësaj faktin se, sipas asaj që u certifikua ditët e fundit nga UBS, pasuria mesatare e të rriturve italianë arrin në 214,663 dollarë, proporcioni përcaktohet shpejt: është sikur një shtetas italian të ndante vetëm 27.64 dollarë (23.57 euro, me kursin aktual të këmbimit) për eventin, as gjysmën e një buqete.
     

  • NBA zyrtarizon lëvizjet e para në merkato, ja zgjedhjet e raundit të parë në “draft”

    NBA zyrtarizon lëvizjet e para në merkato, ja zgjedhjet e raundit të parë në “draft”

    Pas përfundimit të sezonit të rregullt, ku Oklahoma u shpall për herë të parë në histori kampione, në NBA ka nisur periudha e merkatos. Zyrtarisht ajo çelet më 1 korrik, por marrëveshjet e para janë mbyllur.
    Kështu, veterani Kyrie Irving do të qëndrojë në Dallas. Ai firmosi një kontratë 3-vjeçare me Maveriks, nga e cila do të fitojë 119 milionë dollarë, me opsion për ta shtyrë edhe për një sezon tjetër.
    Skuadra e Boston ka shkëmbyer Kristaps Porzingis dhe një zgjedhje të dytë nga “draft” me Georges Niang dhe një zgjedhje tjetër të dytë. Në këtë shkëmbim hyn edhe Brooklyn, që siguron Terance Mann dhe një zgjedhje të parë në “draft”.
    Nga Celtics është larguar edhe Jrue Holiday, që do të transferohet te Portland në shkëmbim të Anfernee Simons dhe dy zgjedhje. Nga këto largime, skuadra e Celtics kursen 180 milionë dollarë shpenzime
    Ndërkohë që, sot është kryer edhe raundi i parë i Draft, ku nuk kanë munguar surprizat. Emri më i lakuar ishte ai i Cooper Flag, që u zgjodh nga Dallas. Të martën do të kryhet zgjedhja e dytë në “draft”.

  • Mianmari djeg 300 milionë dollarë drogë

    Mianmari djeg 300 milionë dollarë drogë

    Pamje nga djegia e drogës

    YANGON- Drogë me vlerë gati 300 milionë dollarë u shkatërruan sot në Myanmar për të shënuar Ditën Ndërkombëtare kundër Abuzimit dhe Trafikimit të Paligjshëm të Drogës. Drogat e shkatërruara përfshinin llojet: opium, heroinë, metamfetaminë, marijuanë, ketaminë dhe metamfetaminë kristalore. 
    Djegia e drogës ndodhi një muaj pasi ekspertët e OKB-së paralajmëruan për nivele të papara të prodhimit dhe trafikimit të metamfetaminës nga rajoni i Trekëndëshit të Artë të Azisë Juglindore, ku takohen kufijtë e Myanmarit, Laosit dhe Tajlandës. Mianmari ka qenë prej kohësh një burim i madh i drogave të paligjshme, pavarësisht përpjekjeve të shumta për ta luftuar këtë fenomen. 
    PAMJET E DJEGIES SË DROGËS:

    Në vitin 2023, Kombet e Bashkuara e shpallën Myanmarin si prodhuesin më të madh të opiumit në botë. Zyra e Kombeve të Bashkuara (OKB) për Drogën dhe Krimin tha në një raport të majit se kriza politike në të gjithë vendin pas një marrjeje të pushtetit nga ushtria në vitin 2021, ka përshpejtuar rritjen e trafikut të metamfetaminës. Kjo ka çuar në një rritje të ndjeshme të fluksit të drogës jo vetëm në të gjithë Azinë Lindore dhe Juglindore, por gjithnjë e më shumë në Azinë Jugore, veçanërisht në Indinë verilindore.
    Drogat po kontrabandohen gjithnjë e më shumë nga Mianmari në Kamboxhia, kryesisht nëpërmjet Laosit, si dhe nëpërmjet rrugëve detare që lidhin Malajzinë, Indonezinë dhe Filipinet, me Sabahun në Malajzi që shërben si një qendër kryesore tranziti./ZËRI

  • Samiti i NATO-s, presidenti Trump lavdëron veten: Shtohen mbi 1 trilion dollarë

    Samiti i NATO-s, presidenti Trump lavdëron veten: Shtohen mbi 1 trilion dollarë

    Presidenti i Amerikës, Donald Trump lavdëroi veten për sukseset në fushën e mbrojtjes dhe për zotimin e ri të vendeve anëtare të NATO-s për të rritur shpenzimet ushtarake. ”Janë mbi 1 trilion dollarë në vit, nga shtete që nuk po paguanin aq sa duhet”, tha Trump në përfundim të Samitit të NATO-s në Hagë.
    Nga ana tjetër, presidenti hodhi edhe një herë poshtë pretendimet e mediave se impianti bërthamor iranian, i bombarduar nga SHBA, nuk ishte shkatërruar. ”Në raportin fillestar thuhej se dëmet mund të ishin të pakta, ose shumë të rënda, por tashmë kemi informacione shtesë. Ju zgjodhët të publikonit vetëm pjesën që dëmet mund të jenë të pakta. Kemi folur me njerëz që kanë parë vendin dhe është totalisht i shkatërruar”,-tha më tej presidenti.

    Trump shtoi se Irani ka një avantazh të madh tani, pasi mund të fokusohet te nafta. ”Nuk mendoj se do të kthehen më te programi bërthamor. Nëse e bën, nuk do të jem unë, por dikush tjetër”.

  • A*mëpushimi sjell edhe uljen e çmimit të naftës

    A*mëpushimi sjell edhe uljen e çmimit të naftës

    Bota E Martë, 24 Qershor 2025 18:55
    Çmimet e naftës janë ulur për gati 5 për qind të martën, pasi Izraeli është pajtuar për armëpushim me Iranin, për t’i dhënë fund konfliktit 12-ditor. Çmimi i naftës së papërpunuar ka rënë fillimisht në 68 dollarë për fuçi, ndonëse ndërkohë është rritur për pak – 69.68 dollarë për fuçi pasi Irani dhe Izraeli e kanë akuzuar njëri-tjetrin për shkelje të armëpushimit pak orë pas nisjes.
    Çmimet e naftës janë rritur në ditët e fundit, pas shqetësimeve se Teherani do të mund t’i pengonte furnizimet globale duke mbyllur Ngushticën e Hormuzit, rrugë kryesore detare për transportin e naftës dhe gazit. Tregjet e aksioneve në Shtetet e Bashkuara, Mbretëri të Bashkuar dhe Evropë kanë qenë stabile, pasi presidenti amerikan Donald Trump i ka thënë Izraelit që të mos gjuajë më me bomba, ndonëse e ka akuzuar edhe Iranin për shkelje të armëpushimit.

    Vetëm disa orë më parë, Trump ka thënë se armëpushimi ka nisur të zbatohet. Çmimi aktual i naftës është nën nivelin që ishte kur Izraeli nisi raketa kundër qendrave bërthamore iraniane më 13 qershor. Sulmi ndikoi në rritjen e çmimit të naftës deri në 81 dollarë për fuçi, duke shtuar shqetësimet për rritje të çmimeve të produkteve tjera të domosdoshme për jetesë.
    Diçka e tillë ndodhi pasi Rusia nisi luftën në Ukrainë tre vjet më parë, duke ndikuar në jetët e njerëzve në mbarë globin. Situata në Lindje të Mesme është e tensionuar prej sulmit të befasishëm të Izraelit në qendra bërthamore dhe ushtarake të Iranit. Izraeli konsideron se Iraninuk mund të ketë armë bërthamore sepse ia rrezikon ekzistencën, ndonëse Teherani pretendon se programin bërthamor e ka vetëm për qëllime paqësore. Irani është hakmarrë me sulme raketore në Izrael dhe në shkëmbim e sipër të raketave janë vrarë dhe plagosur banorë të të dyja shteteve. /REL/

  • Ulet çmimi i naftës pas arritjes së armëpushimit Izrael-Iran

    Ulet çmimi i naftës pas arritjes së armëpushimit Izrael-Iran

    FOTO ILUSTRUESE

    IRAN-Çmimet e naftës janë ulur për gati 5 për qind të martën, pasi Izraeli është pajtuar për armëpushim me Iranin, për t’i dhënë fund konfliktit 12-ditor
    Çmimi i naftës së papërpunuar ka rënë fillimisht në 68 dollarë për fuçi, ndonëse ndërkohë është rritur për pak – 69.68 dollarë për fuçi – pasi Irani dhe Izraeli e kanë akuzuar njëri-tjetrin për shkelje të armëpushimit pak orë pas nisjes.
    Çmimet e naftës janë rritur në ditët e fundit, pas shqetësimeve se Teherani do të mund t’i pengonte furnizimet globale duke mbyllur Ngushticën e Hormuzit, rrugë kryesore detare për transportin e naftës dhe gazit.
    Tregjet e aksioneve në Shtetet e Bashkuara, Mbretëri të Bashkuar dhe Evropë kanë qenë stabile, pasi presidenti amerikan Donald Trump i ka thënë Izraelit që të mos gjuajë më me bomba, ndonëse e ka akuzuar edhe Iranin për shkelje të armëpushimit.
    Vetëm disa orë më parë, Trump ka thënë se armëpushimi ka nisur të zbatohet. Çmimi aktual i naftës është nën nivelin që ishte kur Izraeli nisi raketa kundër qendrave bërthamore iraniane më 13 qershor.
    Sulmi ndikoi në rritjen e çmimit të naftës deri në 81 dollarë për fuçi, duke shtuar shqetësimet për rritje të çmimeve të produkteve tjera të domosdoshme për jetesë.
    Diçka e tillë ndodhi pasi Rusia nisi luftën në Ukrainë tre vjet më parë, duke ndikuar në jetët e njerëzve në mbarë globin.
    Situata në Lindje të Mesme është e tensionuar prej sulmit të befasishëm të Izraelit në qendra bërthamore dhe ushtarake të Iranit.
    Izraeli konsideron se Irani nuk mund të ketë armë bërthamore sepse ia rrezikon ekzistencën, ndonëse Teherani pretendon se programin bërthamor e ka vetëm për qëllime paqësore
    Irani është hakmarrë me sulme raketore në Izrael dhe në shkëmbim e sipër të raketave janë vrarë dhe plagosur banorë të të dyja shteteve./REL

  • “Dasma e shekullit”, Jeff Bezos dhe Lauren Sánchez kurorëzohen në Venecia, çfarë dihet për ceremoninë madhështore

    “Dasma e shekullit”, Jeff Bezos dhe Lauren Sánchez kurorëzohen në Venecia, çfarë dihet për ceremoninë madhështore

    Jeff Bezos, themeluesi i Amazon dhe një nga njerëzit më të pasur në botë, do të martohet këtë javë me ish-gazetaren Lauren Sánchez në një ceremoni madhështore në Venecia, Itali. Që prej fejesës së tyre në maj 2023, çifti 61 dhe 55 vjeç ka qenë në qendër të vëmendjes ndërkombëtare.

    Kur zhvillohet dasma?Ngjarja do të zgjasë disa ditë, nga 24 deri më 26 qershor, megjithëse disa burime flasin për 26–29 qershor.
    Ku do të mbahet ceremonia?Ka paqartësi për vendndodhjen e saktë:

    Disa thonë se ceremonia do të zhvillohet në ishullin privat San Giorgio Maggiore.
    Të tjerë raportojnë se do të mbahet në jahtin superluksoz të Bezos, “Koru”, me vlerë 500 milionë dollarë.
    Aktivistët e grupit lokal “No Space For Bezos” pretendojnë se vendi do të jetë ndërtesa historike Scuola Grande della Misericordia, me histori që daton nga shekulli i 14-të.
    Sa të ftuar do të jenë?Lista e të ftuarve është kufizuar në 200 persona, por janë emra shumë të njohur.
    Cilët VIP-a do të marrin pjesë?Mes të ftuarve priten: Kim Kardashian, Oprah Winfrey, Bill Gates, Beyoncé & Jay-Z, Ivanka Trump, Jared Kushner, dhe mbretëresha Rania e Jordanisë. Gjithashtu përflitet për emra si Leonardo DiCaprio, Eva Longoria dhe Mick Jagger.
    Festa e beqarisë së Sánchez në Paris – Maj 2025
    Argëtimi dhe performanca?Përflitet se Elton John dhe Lady Gaga janë kontaktuar për të performuar, megjithëse nuk ka konfirmime zyrtare.
    Kush po e organizon dasmën?Agjencia britanike Lanza & Baucina, e njëjta që organizoi dasmën e George dhe Amal Clooney në 2014, po kujdeset për çdo detaj.
    Çfarë do të veshë nusja?Lauren Sánchez mendohet të ketë rreth 27 ndërrime veshjesh gjatë tri ditëve të festimeve. Ajo ka bashkëpunuar me Anna Wintour dhe është parë duke blerë në Dolce & Gabbana në Milano.
    Ku do të qëndrojë çifti?Çifti pritet të qëndrojë në hotelin luksoz Aman, buzë Kanalit të Madh – i njëjti vend ku u martuan Clooney-t. Dhomat aty kushtojnë nga 3,000 deri në 32,000 dollarë nata. Gjithashtu janë rezervuar pesë nga hotelet më luksoze të Venecias për të ftuarit.
    Sa kushton kjo dasmë?Shpenzimet e parashikuara janë midis 7 deri në 10 milionë dollarë, një shumë e papërfillshme për pasurinë e Bezos, që arrin në 225 miliardë dollarë.

    Pse po protestohet?Grupi “No Space For Bezos” proteston kundër ndikimit të dasmës në qytetin historik të Venecias, që tashmë përballet me mbingarkesë turistike dhe ndotje mjedisore. Protestuesit e akuzojnë Bezos për shfrytëzim të qytetit në emër të luksit, duke e krahasuar me dasmën miliardere Ambani në Indi. Gjithashtu kanë shprehur shqetësime për numrin e avionëve privatë dhe rezervimet masive të gondolave dhe mjeteve ujore.
    Protesta për Bezosin në Venecia
    Si ka reaguar qyteti?Kryetari i Bashkisë së Venecias, Luigi Brugnaro, i ka minimizuar shqetësimet, duke theksuar se qyteti ka përvojë me ngjarje të mëdha si Festivali i Filmit dhe samite ndërkombëtare. Por aktivistët theksojnë se kjo dasmë simbolizon ndarjen gjithnjë e më të madhe midis elitës globale dhe qytetarëve të zakonshëm.
    /vizionplus.tv

  • Çmimi i naftës bie me 7% pasi Irani sulmoi bazën ushtarake amerikane në Katar

    Çmimi i naftës bie me 7% pasi Irani sulmoi bazën ushtarake amerikane në Katar

    Çmimet e naftës ranë me më shumë se 7% të hënën, duke humbur më shumë se 5 dollarë për fuçi pasi Irani nuk ndërmori asnjë veprim për të ndërprerë trafikun e cisternave të naftës dhe gazit përmes Ngushticës së Hormuzit, por në vend të kësaj sulmoi një bazë ushtarake amerikane në Katar në shenjë hakmarrjeje për sulmet e SHBA-së ndaj objekteve të tij bërthamore.
    Kontratat e ardhshme të naftës së papërpunuar Brent u mbyllën me 5.53 dollarë më pak, ose 7.2%, në 71.48 dollarë për fuçi, ndërsa nafta e papërpunuar amerikane West Texas Intermediate (WTI) ra me 5.53 dollarë, ose 7.2%, në 68.51 dollarë. Rënia prej 7.2% e naftës Brent ishte më e madhja që nga gushti i vitit 2022. Indeksi referues u tregtua në një interval prej 10 dollarësh, më i gjeri që nga korriku i vitit 2022. Të dy indekset referuese ranë me gati 9% në tregtimin pas orarit të punës.
    “Flukset e naftës për momentin nuk janë objektivi kryesor dhe ka të ngjarë të mos ndikohen. Mendoj se do të jetë hakmarrje ushtarake ndaj bazave amerikane dhe/ose përpjekje për të goditur më shumë objektiva civile izraelite”, tha John Kilduff, një partner në Again Capital. Çmimi i naftës ra ndjeshëm pasi Irani u hakmor ndaj sulmeve ajrore amerikane në centralet e tij kryesore bërthamore me një sulm me raketa në bazën ajrore amerikane Al Udeid në Katar, instalimi më i madh ushtarak amerikan në Lindjen e Mesme. Asnjë personel amerikan nuk u vra ose u plagos në sulmin e Iranit, thanë dy zyrtarë amerikanë për Reuters. Në tregtinë e hershme në Azi, Brent u rrit me gati 6%, ndërsa investitorët u shqetësuan se hakmarrja iraniane do të përfshinte ndërprerjen e eksporteve të naftës nga Gjiri i Lindjes së Mesme. Irani ka kërcënuar të mbyllë Ngushticën e Hormuzit, një kanal të ngushtë pranë Iranit jugor, nëpër të cilin kalon rreth një e pesta e furnizimit global me naftë në rrugën e tij drejt rafinerive në të gjithë botën.
    Irani, prodhuesi i tretë më i madh i naftës së papërpunuar në OPEC , tha se sulmi i SHBA-së në centralet e tij bërthamore zgjeroi gamën e objektivave legjitime për forcat e tij të armatosura.
    Një sulm telegrafuar ndaj një baze amerikane të mbrojtur mirë mund të jetë një hap i parë në uljen e tensioneve, me kusht që të mos ketë viktima nga ana e SHBA-së, tha Energy Aspects në një postim. “Nëse nuk ka indikacione për hakmarrje të mëtejshme iraniane ose përshkallëzim nga Izraeli/SHBA-të, atëherë mund të shohim njëfarë rreziku gjeopolitik që do të rrjedhë nga çmimi në ditët në vijim”, tha ajo.
    Një burim me njohuri të drejtpërdrejtë për çështjen tha se nuk pati ndërprerje në dërgesat ose prodhimin e QatarEnergy pas sulmit, dhe asnjë sulm tjetër iranian nuk u zbulua në ndonjë bazë ushtarake amerikane përveç në Katar, tha një zyrtar ushtarak amerikan për Reuters. Katari është një nga eksportuesit më të mëdhenj në botë të gazit natyror të lëngshëm dhe të gjitha dërgesat e tij kalojnë nëpër Ngushticë. Kompania shtetërore e naftës Basra e Irakut tha se kompanitë kryesore ndërkombëtare të naftës, përfshirë BP (BP.L), hap një skedë të re, TotalEnergies (TTEF.PA), hap një skedë të redhe Eni (ENI.MI), hap një skedë të re kishin evakuuar disa anëtarë të stafit që punonin në fushat e naftës.
    “Në një farë mënyre, e kemi parë këtë film më parë. Me gjithë tensionet gjeopolitike që kemi parë në Lindjen e Mesme, qoftë Izraeli, Irani apo të tjerët, ende nuk e kemi parë mbylljen e Ngushticës së Hormuzit, edhe pse çështja gjithmonë ngre kokën e saj të shëmtuar”, tha Andy Lipow, president i Lipow Oil Associates.
    Të paktën dy supertankerë bënë kthesa U pranë ngushticës pas sulmeve ushtarake amerikane ndaj Iranit, tregojnë të dhënat e gjurmimit të anijeve, pasi më shumë se një javë dhunë në rajon i shtyu anijet të shpejtonin, të ndalonin ose të ndryshonin udhëtimet e tyre.
    Presidenti i SHBA-së, Donald Trump, shprehu dëshirën për të parë çmimet e naftës të mbahen të ulëta, mes frikës se luftimet e vazhdueshme në Lindjen e Mesme mund të shkaktojnë rritje të tyre. Në platformën e tij Truth Social, ai iu drejtua Departamentit të Energjisë të SHBA-së, duke inkurajuar “shpime, shpime, shpime” dhe duke thënë: “Dua të them tani”.
    Investitorët ende po peshojnë se çfarë primi rreziku gjeopolitik duhet t’u vendosin çmimeve të naftës. HSBC pret që çmimet e naftës Brent të rriten mbi 80 dollarë për fuçi për të përfshirë një probabilitet më të lartë të mbylljes së ngushticës, por të ulen përsëri nëse kërcënimi i përçarjes nuk materializohet, tha banka të hënën.

  • FT: Mira Murati mbledh 2 miliardë dollarë fonde, pa një projekt konkret

    FT: Mira Murati mbledh 2 miliardë dollarë fonde, pa një projekt konkret

    Mira Murati

    SHBA-  Ish-drejtoresha e teknologjisë së OpenAI, Mira Murati, ka siguruar 2 miliardë dollarë për startup-in e saj të ri të inteligjencës artificiale, në një marrëveshje që e vlerëson kompaninë “misterioze” që ka vetëm 6 muaj që është krijuar në 10 miliardë dollarë. Marrëveshja, e cila u mbyll së fundmi, sipas shumë personave të njohur me transaksionin, ishte një nga më të mëdhatë e financimit “fillestar” në historinë e Silicon Valley.
    “Thinking Machines” me seli në San Francisko nuk e ka deklaruar se mbi çfarë po punonte, por kanë përdorur emrin dhe reputacionin e Muratit për të tërhequr investitorë. Mbledhja e fondeve tregon oreksin e madh të investitorëve në inteligjencën artificiale dhe besimin në vizionin e themeluesve të shquar për të konkurruar me kompani si OpenAI dhe Anthropic, si dhe me gjigantët e mëdhenj të teknologjisë Google dhe Meta.
    Murati, 36 vjeç, u largua nga OpenAI në shtator pasi kishte ndihmuar në nxitjen e krijimit të produkteve të tilla si ChatGPT, gjeneratori i imazheve Dall-E dhe me modalitetin e tij zanor. Ajo ka mbajtur edhe postin e menaxheres në Tesla, ku punoi për “Model X”. Thinking Machines ka punësuar gjithashtu një numër ish-punonjësish të OpenAI, përfshirë bashkëthemeluesin John Schulman, ish-drejtuesin e projekteve speciale Jonathan Lachman dhe ish-nënkryetarët Barret Zoph dhe Lilian Weng.
    “Ekziston një grup themeluesish dhe njerëz tepër të zgjuar. Ekipi që [Murati] ka bashkuar është bindës,”-tha një investitor për “Financial Times”.
    Megjithatë, shtoi se kishte pak informacion se mbi çfarë po punon kompania. Mira Murati tha në shkurt se ajo synonte t’i bënte “sistemet e inteligjencës artificiale më të kuptueshme, më të personalizueshme dhe përgjithësisht më të afta”, pa dhënë detaje të mëtejshme. Por kishte nga ana që nuk pranuan të jepnin fonde. Njëri prej këtyre personave tha se oferta e Muratit nuk ofronte asnjë informacion në lidhje me një produkt apo plane financiare.
    Një person tjetër tha se “Thinking Machines” po punonte mbi “inteligjencën e përgjithshme artificiale”, një pikë hipotetike ku kompjuterët kanë nivele inteligjence të ngjashme ose superiore me njerëzit. Por ata shtuan se, për momentin, grupi ishte ende duke “hartuar strategjinë” dhe nuk kishte asgjë konkrete.

    Ndërkohë që edhe qeveria shqiptare i ka “dhuruar” Muratit 10 milionë dollarë, para që gjithashtu do të  shkojnë për financimin e projektit “Machine Thinking Lab”./ZËRI

  • Bitcoin rikuperon pas tensioneve në Lindjen e Mesme

    Bitcoin rikuperon pas tensioneve në Lindjen e Mesme

    Bitcoin fitoi terren mëngjesin e ditës së hënë ndërsa tregtohej mbi 101 mijë dollarë, një rikuperim i vogël ndërsa investitorët reaguan ndaj sulmeve Amerikane në Iran.

    Kriptomonedha u rrit së bashku me arin ndërsa tregjet e aksioneve dhe të naftës qëndruan në vend, një sinjal se investitorët presin një konflikt të izoluar në Lindjen e Mesme pa një shok gjeopolitik.
    Operacioni Amerikan i kryer në koordinim me Izraelin goditi bazat nukleare të Fordow, Natanz dhe Isfahan duke përdorur një flotë prej 125 avionësh dhe municione të penetrimit të bunkerëve.

    Irani u kundërpërgjigj me sulme ndaj qyteteve të Izraelit dhe kërcënoi me goditje të bazave Amerikane në Gjirin Persik.
    Pavarësisht përshkallëzimit, tregjet u stabilizuan me shpejtësi. Ari shkoi në 3,398 dollarë përpara se të tërhiqej në 3,374 dollarë ndërsa çmimi i naftës u rrit me vetëm 0.5 përqind.

    Tregjet presin një luftë të shkurtër ndërsa çmimi naftës qëndron në nivelet historike kur ka pasur përshkallëzime të ngjashme në Ngushticën e Hormuzit.
    Bitcoin edhe pse u shit me shpejtësi pas lajmeve se Irani mund ta bllokojë ngushticën, investitorët u rikthyen duke blerë kriptomonedhën.
    /PCWorld Albanian

  • Tregjet e naftës në pritje të reagimit të Iranit

    Tregjet e naftës në pritje të reagimit të Iranit

    Tregjet ndërkombëtare të naftës nisën javën me luhatje të forta, mes pasigurive të shkaktuara nga tensionet në rritje mes Iranit dhe vendeve perëndimore.
    Ditën e sotme, çmimi i naftës Brent u rrit me 5.7%, duke arritur në 81.40 dollarë për fuçi, niveli më i lartë në pesë muajt e fundit.
    Megjithatë, kjo rritje nuk zgjati shumë. Brenda pak orësh, çmimi ra përsëri në rreth 77.20 dollarë për fuçi, duke reflektuar qëndrimin e kujdesshëm të tregjeve, në pritje të hapave të ardhshëm nga ana e Iranit.
    Rreth 20% e naftës botërore kalon përmes Ngushticës së Hormuzit, një rrugë ujore strategjike pranë bregut jugor të Iranit.
    Prandaj, mungesa e një reagimi më të fortë në tregje ka habitur disa analistë, sidomos pas njoftimeve nga televizioni shtetëror iranian “Press TV” se parlamenti kishte miratuar një plan për mbylljen e ngushticës.
    Megjithatë, vendimi përfundimtar i përket Këshillit Suprem të Sigurisë Kombëtare të Iranit.
    Ole Hansen, kreu i strategjisë së mallrave në Saxobank, tha se tregtarët e naftës po qëndrojnë në pritje për të parë lëvizjen e radhës nga Teherani.
    “Nëse Irani vendos realisht ta mbyllë ngushticën, reagimi i tregut mund të jetë i menjëhershëm dhe shumë i fortë,” paralajmëroi ai.
    Agjencia Reuters raportoi gjithashtu se analistët e Goldman Sachs kanë paralajmëruar se çmimi i naftës Brent mund të kërcejë në 110 dollarë për fuçi nëse Irani bllokon ngushticën.
    Zhvillimet e ardhshme në këtë situatë delikate do të jenë vendimtare, jo vetëm për çmimet globale të energjisë, por edhe për stabilitetin ekonomik dhe politik në të gjithë rajonin e Lindjes së Mesme.

  • Tregjet tronditen nga përshkallëzimi i konfliktit me Iranin; Nafta kap nivelet më të larta në 5 muaj

    Tregjet tronditen nga përshkallëzimi i konfliktit me Iranin; Nafta kap nivelet më të larta në 5 muaj

    Tregjet financiare globale janë përballur me tronditje të reja pas përshkallëzimit të konfliktit në Lindjen e Mesme, ku tensionet mes SHBA-së, Izraelit dhe Iranit kanë çuar në rritje të ndjeshme të çmimit të naftës dhe luhatje të forta në bursat kryesore.Sipas Financial Times dhe Reuters, çmimi i naftës Brent u rrit me mbi 18% gjatë dhjetë ditëve të fundit, duke arritur në afro 79 dollarë për fuçi – niveli më i lartë që nga janari.Tregtarët dhe investitorët janë vënë në alarm nga mundësia e ndërprerjeve të furnizimit me naftë përmes ngushticës së Hormuzit, pikës strategjike në Gjirin Persik për eksportin e energjisë nga Gjiri. Ndërkohë që presidenti amerikan Donald Trump e ka shpallur si “të suksesshme” goditjen ndaj kapaciteteve bërthamore të Iranit, reagimi i Teheranit mbetet i paqartë – dhe çdo përshkallëzim mund të ngrejë çmimin e naftës në mbi 100 dollarë për fuçi, sipas vlerësimeve të Oxford Economics.Analistët paralajmërojnë se një konflikt i zgjeruar mund të nxisë rritje të inflacionit global dhe të vonojë çdo vendim të bankave qendrore për ulje normash interesi.Në një skenar ekstrem, me ndërprerje të eksporteve iraniane apo përfshirje të drejtpërdrejtë të vendeve të tjera në rajon, çmimi i naftës mund të ngjitet në 130 dollarë për fuçi. Kjo do të kishte pasoja të rënda për ekonominë globale, sidomos në vendet importuese të energjisë si Bashkimi Europian, Turqia dhe India.Megjithatë, çmimet shënuan një korrigjim të lehtë ditën e premte, pasi Reuters raportoi për një valë të re sanksionesh të SHBA ndaj Iranit, të cilat nuk prekën drejtpërdrejt eksportet e energjisë. Brent ra në 77 dollarë për fuçi, por situata mbetet shumë e paqëndrueshme.Në këtë sfond, prodhuesit e mëdhenj të naftës po monitorojnë nga afër zhvillimet. Kreu i gjigandit rus Rosneft, Igor Sechin, deklaroi se OPEC+ po shqyrton mundësinë për të përshpejtuar rritjen e prodhimit me një vit, për të stabilizuar tregun. Kjo lëvizje synon të frenojë çmimet, por nëse konflikti zgjerohet, ndikimi i masave të tilla mund të jetë i kufizuar.Ndërkohë, aksionet e kompanive të sektorit të energjisë dhe mbrojtjes kanë pësuar rritje, ndërsa industritë e ndjeshme ndaj kostove të larta të naftës – si aviacioni dhe prodhimi – kanë parë rënie të ndjeshme.Tregjet pritet të reagojnë sërish këtë javë, në varësi të zhvillimeve të mëtejshme ushtarake dhe diplomatike në Lindjen e Mesme, ndërkohë që investitorët po vlerësojnë rrezikun e një përshkallëzimi afatgjatë me ndikim global.Ky është artikull ekskluziv i Revistës Monitor, që gezon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”.Artikulli mund të ripublikohet nga mediat e tjera vetm duke cituar “Revista Monitor” shogëruar me linkun e artikullit origjinal.

  • Përshkallëzimi i konfliktit në Lindjen e Mesme, ekonomia amerikane mund të përballet me rritje të çmimeve të naftës

    Përshkallëzimi i konfliktit në Lindjen e Mesme, ekonomia amerikane mund të përballet me rritje të çmimeve të naftës

    Ekonomia amerikane përballet me mundësinë e rritjes së inflacionit pasi administrata Trump urdhëroi sulme ndaj tre objekteve bërthamore në Iran.

    Ekspertët thonë se çmimet e larta të naftës dhe gazit janë pothuajse të sigurta. Pyetja e rëndësishme tani është: Sa do të zgjasë rritja e çmimeve të lëndëve djegëse fosile?
    Çmimet e naftës pritet të rriten me rreth 5 dollarë për fuçi kur tregjet të hapen të dielën në mbrëmje, sipas ekspertëve.
    “Ne po shohim një çmim prej 80 dollarësh për naftë në treg të hapur”, tha Andy Lipoë i Lipoë Oil Associates. Nafta amerikane nuk është mbyllur mbi 80 dollarë për fuçi që nga janari dhe kryesisht ka luhatur midis 60 dhe 75 dollarëve për fuçi që nga gushti i vitit 2024.
    Çmimet relativisht të ulëta të naftës i kanë ulur çmimet e benzinës nën 3 dollarë për galon në shumë pjesë të vendit, një burim i madh lehtësimi të çmimeve për konsumatorët e lodhur nga inflacioni.
    Sipas Lipoë, nëse Ngushtica e Hormuzit, një rrugë kyçe tregtare që përbën rreth 20% të naftës bruto në botë, do të preket, çmimi i naftës mund të rritet në 100 dollarë për fuçi, gjë që do të rriste çmimet e benzinës dhe naftës me rreth 75 cent për galon nga nivelet e fundit.

    Top Channel

  • Ja kush zotëron rezervat më të mëdha të arit në botë

    Ja kush zotëron rezervat më të mëdha të arit në botë

    Çmimet e arit kanë arritur nivele të papara në vitin dymijenjëzetepesë, me tregtimin e arit në një nivel rekord mbi tremijë e nëntëqindetridhjetedy dollarë për ons (tridhjetenjë pikë një gramë) që nga shtatë maji, një rritje prej mbi tetëdhjetetre për qind nga viti i kaluar.
    Rritja, e nxitur nga tensionet në rritje gjeopolitike dhe pasiguria ekonomike globale, e ka shtyrë vlerën e një shufre standarde ari (katërqind ons ose dymbëdhjetë kilogramë e katërqind gramë, mbi një milion dollarë për herë të parë, raporton KosovaPress.
    BestBrokers shqyrtoi kërkesën e bankave qendrore për ar gjatë vitit të kaluar dhe fillimit të këtij viti duke përdorur të dhëna nga Këshilli Botëror i Arit për të identifikuar blerësit dhe mbajtësit më të mëdhenj.
    Raporti thekson një divergjencë në rritje në strategjitë e rezervave të bankave qendrore: ekonomitë më të vogla po i përqendrojnë rezervat e tyre në ar si një mbrojtje kundër paqëndrueshmërisë së valutës, ndërsa ekonomitë më të mëdha vazhdojnë të dominojnë në vëllimin absolut.
    “Çmimet e arit filluan të rriten vitin e kaluar, pasi si bankat qendrore ashtu edhe investitorët kërkuan asete më të sigurta mes tensioneve gjeopolitike në rritje dhe pasigurisë ekonomike”, vuri në dukje BestBrokers.
    Rritja ndihmoi që çmimi i arit të tejkalonte tre mijë e katërqind dollarë për ons deri në qershor, duke e bërë atë asetin e dytë më të madh rezervë në botë, duke tejkaluar euron.
    Ndër vendet me pjesën më të madhe të arit në rezervat qeveritare, Bolivia kryeson listën. Që nga dhjetori dymijenjëzetekatër, ajo mbante njëzetedy tonë e gjysmë ose nëntëdhjetegjashtë pikë pesë për qind të rezervave të saj totale, me vlerë dy miliardë e treqindeshtatëdhjetë milionë euro.
    “Vlen të përmendet se Bolivia nuk ka blerë dhe as shitur ar që nga viti dymijedy”, thuhet në raport.
    Venezuela është e dyta, me njëqindegjashtëdhjetenjë ton, që përfaqëson rreth nëntëdhjetë për qind të rezervave të saj ose gjashtëmbëdhjetë miliardë e nëntëqindepesëdhjetë milionë euro. Portugalia, me rreth treqindetetëdhjetetre ton, mban rreth tetëdhjetepesë për qind të rezervave të saj në ar – të vlerësuara në dyzet miliardë e dyqindenjëzetekatër milionë euro në prill të vitit dymijenjëzetepesë. Kjo pasqyron një preferencë të gjatë për arin si një ruajtës të qëndrueshëm të vlerës.
    Në terma absolutë, Shtetet e Bashkuara të Amerikës mbetet mbajtësi dominues global me tetë mijë e njëqindetridhjetetre tonë e gjysmë me vlerë nëntëqindetetëdhjetepesë miliardë e gjashtëqind milionë dollarë ose tetëqindepesëdhjetepesë miliardë e dyqind milionë euro.
    Ari përbën rreth shtatëdhjetenëntë për qind të rezervave totale të Shteteve të Bashkuara të Amerikës. Pason Gjermania me tre mijë e treqindepesëdhjetenjë ton me vlerë katërqindegjashtë miliardë e njëqind milionë euro dollarë ose treqindepesëdhjetedy miliardë e  katërqind milionë euro – që përfaqëson shtatëdhjetetetë për qind të rezervave të saj. Kina, pavarësisht se mban dy mijë e dyqindenëntëdhjetekatër ton e gjysmë, ajo mban vetëm gjashtë pikë tetë për qind të rezervave të saj në ar. Këto vlerësohen në dyqindedyzetenjë miliardë euro, duke reflektuar një strategji që i jep përparësi diversifikimit në monedha të huaja dhe asete të tjera.
    Vendet e eurozonës, përfshirë Bankën Qendrore Evropiane, mbajtën dhjetë mijë e shtatëqindegjashtëdhjetepesë to e gjysmë në prill ose gjashtëdhjeteshtatë pikë një për qind të rezervave të tyre.
    Rezervat zyrtare globale të arit ishin tridhjetegjashtë mijë e dyqindeshtatëdhjetekatër ton, duke përbërë njëzetedy pikë dy për qind të rezervave globale. Në Evropë, Polonia udhëhoqi blerjet e arit në tremujorin e parë të vitit dymijenjëzetepesë, duke blerë dyzetetetë ton, tashmë më shumë se gjysma e totalit prej tetëdhjetenëntë tonësh në vitin dymijenjëzetekatër.
    Mbretëria e Bashkuar, në të kundërt, mban treqindedhjetë ton ose vetëm shtatëmbëdhjetë pikë tre për qind të rezervave të saj në ar. Renditet e dyzetedyta në botë për sa i përket zotërimeve të arit, duke nënvizuar një strategji të përqendruar më shumë në asetet financiare dhe monedhat e huaja sesa në ar./kosovapress

  • Reperi i njohur humb 8 milionë dollarë në bixhoz

    Reperi i njohur humb 8 milionë dollarë në bixhoz

    Reperi i njohur kanadez Drake ka tronditur ndjekësit e tij me një rrëfim të sinqertë në rrjetet sociale, ku ka pranuar se ka humbur mbi 8 milionë dollarë në bixhoz vetëm gjatë katër javëve të fundit.
    Në një postim në Instagram Story, 38-vjeçari ndau një pamje të ekranit të llogarisë së tij në platformën e basteve Stake.com, ku tregonte se kishte vendosur baste me një vlerë totale prej 124.5 milionë dollarësh, ndërsa humbja neto ishte plot 8,235,686 dollarë.
    “Ne duhet të tregojmë edhe anën tjetër të bixhozit… Humbjet janë të pabesueshme tani”, shkroi Drake, duke shtuar me ironi: “Shpresoj të shënoj një fitore të madhe për të gjithë ju së shpejti, sepse jam i vetmi që nuk e kam parë kurrë maksimumin. E kapin një herë në javë.”Edhe pse nuk dha detaje për bastet që i shkaktuan këtë humbje të madhe, mediat ndërkombëtare raportojnë se reperi ka vendosur baste në disa ndeshje të NBA Finals, NHL Playoffs dhe në finalen e IPL-së (liga e kriketit në Indi), ku fitoi 750,000 dollarë pas një basti të suksesshëm.
    Drake është prej vitesh një nga figurat më të njohura të përfshira në botën e basteve sportive dhe një promovues i platformës Stake.com. Ai ka fituar më parë shuma të mëdha, përfshirë 1.2 milionë dollarë në një bast për Super Bowl dhe qindra mijëra dollarë në ndeshje UFC, por kjo humbje e fundit e ka rikthyer debatin për rreziqet që sjell bixhozi, edhe për yje të klasit botëror.

  • Buxhuku paralajmëron: Konflikti Iran-Izrael kërcënon seriozisht ekonominë e Shqipërisë, çmimi i naftës u rrit me 10 dollarë…

    Buxhuku paralajmëron: Konflikti Iran-Izrael kërcënon seriozisht ekonominë e Shqipërisë, çmimi i naftës u rrit me 10 dollarë…

    Përshkallëzimi i konfliktit në Lindjen e Mesme, Iran-Izrael, sipas ekspertit të ekonomisë, Gjergj Buxhuku do të ndikojë fortë edhe në ekonominë e vendit tonë.

    Në intervistën e dhënë në edicionin e lajmeve të pasdites në Syri TV, Buxhuku u shpreh se edhe pse vendi ynë nuk është i përfshirë drejtpërdrejt në luftime, pasojat ekonomike të luftës mes Iranit dhe Izraelit janë të pashmangshme dhe tashmë kanë filluar të ndihen. Ai thekson se Shqipëria rrezikon të goditet rëndë përmes zinxhirit të furnizimit me karburant, rritjes së çmimeve dhe pasigurive në tregjet globale, duke përmendur rritjen e menjëhershme të çmimit të naftës që pasoi sulmet izraelite në Iran. Buxhuku vë theksin edhe tek rreziku potencial për mbylljen e ngushticës së Hormuzit, një arterie jetike për tregtinë botërore të karburanteve, çka mund të sjellë pasoja të rënda për ekonominë shqiptare dhe mirëqenien e qytetarëve.

    Gjergj Buxhuku: Së pari duhet të kuptojmë që lufta nuk është larg nesh, është afër nesh. Domethënë, të mos bëjmë si puna e strucit, sikur mos ta shikojmë që ne jemi afër luftës, mbase jo të drejtpërdrejtë falë zotit me viktima, të drejtpërdrejtë të artilerisë së predhave të avionëve dhe bombardimeve, por Shqipëria rrezikon seriozisht të përfshihet në pasojat e kësaj lufte që do të thoja ka filluar dhe nuk dihet se kur do të mbarojë dhe me çfarë pasojash do të mbarojë, pikërisht nga efektet që ajo do të prodhojë dhe po prodhon në ekonominë tonë, në bizneset tona dhe natyrisht në mirëqenien e qytetarëve shqiptarë.

    Mos harrojmë një gjë, që Irani është një nga prodhuesit më të mëdhenj të naftës në botë, por kjo është vetëm njëra pjesë e problematikës. Por pjesa tjetër e problematikës që ende nuk ka filluar është fakti, pozicionit gjeostrategjik i Iranit që është pikërisht në zemrën e motorrit që prodhon sasinë më të madhe të karburantit në botë. Pra, vendet arabe, Gjiri Persik, Irani, përbëjnë vendet që janë si të thuash zemra e prodhimit të karburanteve në botë sot.

    Dhe fakt është që  menjëherë sapo filloi lufta ose më saktë, bombardimet e Izraelit në Iran, çmimi i naftës u rrit menjëherë, me 10 dollarë për ton dhe kaloi nga nën 70 dollarë për fucoi, kaloi mbi 77 dollarë për fucoi. Dhe do rritet. Dhe pse e them që ky është vetëm fillimi, sepse rrezikon që do mbyllet ngushtica e Hormuzit dhe të bllokohet e gjithë zemra e prodhimit të naftës në botë.

  • Surpriza në NBA! Lakers ndryshojnë pronar pas 46 vitesh, shitja e klubit kap shifrën marramendëse

    Surpriza në NBA! Lakers ndryshojnë pronar pas 46 vitesh, shitja e klubit kap shifrën marramendëse

    E bujshme në NBA! Los Angeles Lakers, një nga klubet më ikonike dhe më të suksesshme në Ligën Amerikane të Basketbollit, është gati të ndryshojë pronar pas 46 vitesh.
    Sipas gazetarit të njohur të ESPN, Shams Charania, familja Buss që ka kontrolluar ekskluzivitetin e klubit kalifornian që nga viti 1979, ka një marrëveshje për t’ia shitur pjesën më të madhe të aksioneve Mark Walter, CEO dhe kreu i TWG Group.
    Kjo është një kompani që zotëron tashmë një pakicë të aksioneve që nga viti 2021 dhe ka investime kudo në botën e sportit.
    Shifra e shitjes, ende për t’u zyrtarizuar, do të ishte befasuese: rreth 10 miliardë dollarë. Një shumë vërtet e jashtëzakonshme nëse kujtoni se Boston Celtics u shit për 6.1 miliardë dollarë vetëm tre muaj më pare.
    Jerry Buss, e bleu Los Angeles Lakers nga Jack Kent Cooke 46 vjet më parë për shumën 67.5 milionë dollarë. Kështu, Lakers bëhet skuadra më e shtrenjtë në historinë e basketbollit.
    Marrëveshja ende duhet të ratifikohet nga NBA, e cila ka të drejtën e vetos për çdo transferim të pronësisë së ekskluziviteteve të saj. Sipas thashethemeve, Jeanie Buss do të mbetet si “Guvernator”, duke përfaqësuar Lakers në takimin e pronarëve të NBA.
    Me Jerry Buss në krye, Lakers përjetuan vitet e “showtime” dhe 5 titujt e fituar me Magic Johnson. Pastaj edhe 5 tituj me Shaquille O’Neal, Kobe Bryant dhe Phil Jackson si simbole të klubit. Në fund edhe titulli i ardhur në vitin 2020 me LeBron James.

  • Arrestohet 27-vjeçari në Pogradec, i gjejnë në makinë 1 pako me kokainë, 2 pistoleta, silenciator, euro e dollarë

    Arrestohet 27-vjeçari në Pogradec, i gjejnë në makinë 1 pako me kokainë, 2 pistoleta, silenciator, euro e dollarë

    Një 27 vjeçar me precedent të mëparshëm kriminal u arrestua në Pogradec pasi gjatë kontrollit në makinën e tij u gjet një pako kokainë. Lënda narkotike së bashku dhe me 2 armë zjarri pistoletë, 1 silenciator, 3 krehra, 1 shkop metalik, 5 aparate celularë, 2 karta banke, 1 pasaportë biometrike dhe një shumë parash (lekë, euro dhe dollarë australianë) u gjet në një çantë krahu. 

    Operacioni u kodua  “Cold Hand”

    I arrestuari ishte dënuar më parë për “Vrasje” dhe “Vrasje e mbetur në tentativë”.

    “Si rezultat i angazhimit maksimal të shërbimeve të Drejtorisë Vendore të Policisë Korçë dhe i punës së pandërprerë, falë edhe bashkëpunimit me qytetarët, për një shtetas  që posedonte armë zjarri dhe shpërndante lëndë narkotike në qytetin e Pogradecit, shtetas me precedent kriminal,  specialistët e Seksionit për Hetimin e Narkotikëve, Seksionit të Krimeve të Rënda dhe Shqiponjat,  organizuan dhe finalizuan operacionin policor të koduar “Cold Hand”.

    Gjatë operacionit, shërbimet Operacionale të DVP Korçë kapën dhe vunë në pranga shtetasin F. M., 27 vjeç, banues në Pogradec, me rrezikshmëri shoqërore.

    Gjatë kontrollit fizik, kontrollit të automjetit dhe kontrollit të banesës në lagjen nr. 1, Pogradec, shtetasit F. M. iu gjetën në një çantë krahu një shufër metalike me mbishkrimin “Policia”, 2 armë zjarri pistoletë, 1 silenciator, 3 krehra, 1 shkop metalik, një pako me lëndë narkotike të dyshuar kokainë, 5 aparate celularë, 2 karta banke, 1 pasaportë biometrike dhe një shumë parash (lekë, euro dhe dollarë australianë).
    Gjithashtu u sekuestrua  dhe automjeti i tij.

    Materialet procedurale iu referuan Prokurorisë pranë Gjykatës së Shkallës së Parë të Juridiksionit të Përgjithshëm Korçë, për veprat penale “Prodhimi dhe shitja e narkotikëve”, “Prodhimi dhe mbajtja pa leje e armëve luftarake dhe municionit” dhe “Prodhimi, mbajtja, blerja apo shitja pa leje e armëve të ftohta” thuhet në njoftimin për medie të policisë.