VIDEO/ Përmbytjet ‘apokaliptike’ në Spanjë, ja si uji merr përpara makinat duke ngritur ‘kurthe’ vdekjeprurëse për qytetarët

Videot me përmbytjet katastrofike në Spanjë tregojnë se si uji merr përpara makinat nëpër rrugë dhe zona të ndryshme, duke ngritur kurthe vdekjeprurëse për shumë qytetarë në rajonet më të prekura.

Videot e shpërndara në rrjetet sociale tregojnë jo vetëm ujin, që ka kthyer rrugët në lumenj që vërëshojnë, por edhe erërat e forta që shkulin pemët e shkatërrojnë çdo gjë aty pranë.

Spanja prej dekadash nuk ka parë stuhi dhe përmbytje të tilla apokaliptike, që deri më tani kanë marrë mbi 200 jetë njerëzish.

Spanja dërgoi 500 trupa shtesë për t’iu bashkuar kërkimit për një numër të panjohur të personave të zhdukur tre ditë, pasi përmbytjet vranë të paktën 205 njerëz, sipas autoriteteve të emergjencës. Shumë njerëz janë ende të bllokuar në shtëpitë e tyre pa energji elektrike, ujë të rrjedhshëm ose akses në ushqim, ndërsa autoritetet kanë thënë se priten më shumë stuhi.

Autoritetet spanjolle të emergjencës thanë se 202 nga viktimat ishin vetëm në rajonin e Valencias dhe zyrtarët paralajmëruan se priten më shumë shi në ditët në vijim.

Shumë rrugë janë ende të bllokuara nga automjetet e grumbulluara dhe mbeturinat, në disa raste duke bllokuar banorët në shtëpitë e tyre. Disa vende ende nuk kanë energji elektrike, ujë të rrjedhshëm ose lidhje të qëndrueshme telefonike. 
Burimi