Trump tha se emigrantët nga Haiti hanë mace dhe qe, ja si u përgjigj moderatori i debatit

Donald Trump ka pohuar se emigrantët që po hyjnë në SHBA po hanë kafshë shtëpiake.
Deklarata e çuditshme erdhi pasi bashkëgaruesi i tij në garë JD Vance përhapi pretendimet se haitianët po rrëmbenin mace dhe qen në qytetin e Springfield, Ohio.
Gjatë një debati televiziv me Kamala Harris, ai tha: “Shumë qytete nuk duan të flasin për këtë, sepse janë shumë të turpëruar nga kjo”.
“Në Springfield, ata po hanë qentë, njerëzit që erdhën, ata po hanë macet. Ata po hanë kafshët shtëpiake të njerëzve që jetojnë atje”.
Dhe Harris qeshi dhe tundi kokën.
Por shumë amerikanë që e panë këtë pjesë ndoshta janë bërë kuriozë të dinë të vërtetën.
Siç theksoi moderatori, nuk ka pasur raportime të besueshme për dëmtimin e kafshëve shtëpiake në këtë mënyrë dhe asnjë provë për të mbështetur pretendimin.
 
David Muir i ABC tha se rrjeti kishte kontaktuar menaxherin e qytetit në Springfield.
“Ai na tha se nuk ka pasur raporte të besueshme për pretendime specifike të kafshëve shtëpiake që janë dëmtuar, lënduar ose abuzuar nga individë brenda komunitetit të emigrantëve”, shtoi ai.
Autoritetet në Ohio kanë thënë se janë në dijeni të ‘thashethemeve’, por nuk ka raporte të besueshme ose të detajuara për t’i mbështetur ato.
Pretendimi, që mendohet se është bërë nga aktivistë të ekstremit të djathtë, u përhap nga Vance, i cili përfaqëson Ohio në Senatin e SHBA, si pjesë e një sulmi politik ndaj Harris.
Springfield, një qytet me rreth 60,000 banorë, ka pranuar deri në 20,000 emigrantë – shumë nga Haiti – gjatë katër viteve të fundit, raporton NPR. 
Burimi