SYRI TV/ Gëzim Myshketa përmbush premtimin në Durrës, Myshketa: Dua të prek ndjeshmërinë e njerëzve

Baritoni shqiptar me famë ndërkombëtare Gëzim Myshketa rikthehet në qytetin e vendlindjes për të mbajtur një koncer gala për shijuesit e muzikës klasike. Kthimi në Durrës qe një premtim që artisti e kishte bërë prej kohësh. Në një intervistë për Syri Tv baritoni zbulon surprizat e mbrëmjes së 6 Korrikut.
SYRI TV
Një koncert recital unik e kthen baritonin e mirënjohur shqiptar me famë ndërkombëtare në vendlindjen e tij në qytetin e Durrësit. Një mbrëmje e konceptuar mrekullisht me një shkrirje elegante të disa zhanreve artistike, ndërsa baritoni Gëzim Myshketa do të interpretojë një repertorë këngësh shqiptare “Të falem i bukri Durrës”, “Për ty Atdhe” dhe “Pragu i vegjëlisë”, por nuk do të mungojë as ndalesa në pjesët më të njohura të operas.
Në një intervistë për Syri Tv, baritoni që e ka përfaqësuar denjësisht Shqipërinë në teatriot e gjithë botës zbulon disa nga surprizat e koncertit.
Përgjatë këtyre ditëve, Gëzim Myshketa po mban një masterclass me talente të rinj nga Shqipëria dhe bota, që dëshirojnë të ndjekin udhën e tij në art. Organizimi  po realizohet me financime të vetë artistit.
Gëzim Myshketa do të vijë me fuqinë e zërit të jashtëzakonshëm në Amfiteatrin e qytetit të Durrësit këtë të shtunë  më datë 6 në orën 21:00 për gjithë dashamirësit e muzikës klasike.
 
 
Burimi