PE lejoi Ukrainën të godasë me armët perëndimore, Rusia kërcënon Evropën me luftë bërthamore

Kryetari i Dumës së Shtetit, dhoma e ulët e parlamentit rus, tha sot se sulmet e Ukrainës kundër Rusisë nga raketat perëndimore do të çojnë në një luftë botërore duke përdorur armë bërthamore dhe se përgjigja e Moskës do të jetë e ashpër me armë më të fuqishme.
Vychislav Volodin tha se nëse Perëndimi jep leje për sulme të tilla thellë brenda territorit rus, atëherë kjo do të çojë në një “luftë botërore me përdorimin e armëve bërthamore”.
“Rusia do të japë një përgjigje të ashpër duke përdorur armë më të fuqishme,” tha Volodin, një ndihmës i ngushtë i Presidentit Vladimir Putin, i cili shpesh përcjell pikëpamje në nivelet e larta të Kremlinit.
Deklaratat e Volodin janë një përgjigje ndaj vendimit të Parlamentit Evropian për të lejuar Kievin të godasë objektivat ruse me armë perëndimore.
Volodin tha se në Moskë duket se Perëndimi ka harruar sakrificat e mëdha të bëra nga Bashkimi Sovjetik në Luftën e Dytë Botërore.
Ai tha gjithashtu se evropianët duhet të kuptojnë se raketa balistike ndërkontinentale RS-28 Sarmat, e njohur për disa si Satan II, do të merrte vetëm 3 minuta e 20 sekonda për të goditur Strasburgun.
Burimi