Ndjeheni sikur keni humbur lidhjen me vetveten? Ja se si duhet ta përballoni këtë çrregullim

Disa këshilla se si të ndihesh përsëri vetja
Depersonalizimi, nga ana tjetër, është kur dikush ndihet i shkëputur nga vetja. Ata mund të ndihen sikur janë jashtë trupit të tyre, ose sikur po e shikojnë veten nga një distancë, sikur të mos kenë vërtet kontroll të veprimeve ose emocioneve të tyr
E keni ndjerë ndonjëherë sikur keni humbur lidhjen me vetveten? Si të ishit një spektator i jetës suaj, pa emocionet dhe ndjenjat që ju kanë karakterizuar gjithmonë?
Depersonalizimi, i njohur ndryshe si “Depersonalization-Derealization Disorder” (DDD), prek një përqindje të popullatës dhe shpesh shoqërohet me çrregullime të tjera psikologjike, si ankthi dhe depresioni.
1. Kuptimi i depersonalizimit
Depersonalizimi ndodh kur ndiheni të shkëputur nga vetja, sikur jeni duke parë jetën tuaj nga distanca, pa pjesëmarrje të plotë. Ky fenomen shpesh lidhet me një ngadalësim të aktiviteteve në qendrat emocionale të trurit dhe një rritje të kontrollit mbi emocionet. Pra, ju mund të jeni të pranishëm fizikisht, por emocionalisht, nuk ndiheni të përfshirë.
2. Identifikoni shkaqet
Shpesh, depersonalizimi është i lidhur me ankth të vazhdueshëm, depresion ose përvoja traumatike, sidomos gjatë fëmijërisë. Kjo gjendje mund të jetë e përkohshme ose të zgjasë për vite me radhë. Njohja e shkaktarëve mund të jetë hapi i parë drejt përmirësimit, duke ndihmuar në zbulimin e rrënjëve të çrregullimit.
3. Kërkoni ndihmë profesionale
DDD është një çrregullim i ndërlikuar që kërkon vëmendje profesionale. “Terapia Kognitive e Sjelljes “(CBT) mund të ndihmojnë në lehtësimin e simptomave të ankthit dhe depresionit që shpesh shoqërojnë këtë çrregullim.
4. Teknika të sjelljes për të rifituar emocionet
Disa teknika mund t’ju ndihmojnë të rifitoni lidhjen me ndjenjat tuaja dhe me përvojën e momentit:
– Meditimi dhe frymëmarrja e kontrolluar: Këto teknika ju ndihmojnë të riktheni vëmendjen te vetja dhe të përjetoni më plotësisht emocionet që përjetoni në moment.
– Aktivitete fizike: Ushtrimi ndihmon në aktivizimin e trurit dhe çlirimin e hormoneve të lumturisë, të cilat mund të kthejnë ndjenjat pozitive.
– Mundohuni të përqendroheni në detaje të vogla të ditës suaj: Kjo mund t’ju ndihmojë të rrisni ndjeshmërinë dhe lidhjen emocionale me realitetin, citon Anabel.
5. Krijoni ndërveprime pozitive
Kontakti me miq të afërt dhe familjen mund të ketë një efekt të madh në përmirësimin e gjendjes suaj emocionale. Edhe pse mund të ndiheni të shkëputur, ndërveprimet e shpeshta me njerëz të dashur dhe mbështetës mund të ndihmojnë në rikthimin e ndjenjave të përkatësisë dhe të përfshirjes emocionale. 
Burimi