I shkaktuar nga mushkonjat, virusi i rrallë vdekjeprurës ngre alarmin në SHBA. Cili është roli i ndryshimeve klimatike

Një burrë ka vdekur në verilindje të Shteteve të Bashkuara, nga një sëmundje e rrallë e shkaktuar nga mushkonjat, sipas zyrtarëve të shëndetësisë.
Departamenti i Shëndetësisë i Shtetit të Nju Hampshire tha në një njoftim për shtyp se ishte një i rritur nga qyteti i Hampstead, pa specifikuar as moshën dhe gjininë e tij kishte ndërruar jetë.
Ai u shtrua në spital për shkak të përkeqësimit të rëndë të sistemit nervor qendror dhe vdiq për shkak të komplikimeve të sëmundjes.
Vdekja vjen mes shqetësimeve në rritje në SHBA-në veriore për rrezikun në rritje të EEE (Encefaliti lindor i kuajve), i cili po bëhet gjithnjë e më i përhapur për shkak të ndryshimeve klimatike.
Në fillim të këtij muaji Massachusetts, një shtet fqinj i Nju Hampshire, raportoi rastin e parë të EEE këtë vit.
Sipas Qendrave për Kontrollin dhe Parandalimin e Sëmundjeve (CDC), agjencia kryesore e shëndetit publik në SHBA, simptomat  përfshijnë ethe, dhimbje koke, të vjella, diarre, ndryshime në sjellje dhe përgjumje.
Mund të shkaktojë edhe probleme shumë serioze neurologjike.
Pothuajse 30% e njerëzve të infektuar me virusin vdesin, ndërsa shumë prej pacientëve kanë pasoja afatgjata, fizike dhe mendore. Mosha e popullsisë që konsiderohet të jetë në rrezik më të madh janë ato nën 15 vjeç dhe mbi 50 vjeç.
Një raport i Climate Central i lëshuar në 2023 vuri në dukje se kushtet e motit të ngrohtë dhe të lagësht janë ideale për insektin.
Burimi