40 të vrarë në Gaza, Izraeli nuk ndal sulmet teksa në Egjipt diskutohet për paqen
Të paktën 40 palestineze u vranë gjatë natës dhe të premten si pasojë e sulmeve Izraelite në rripin e gazës. Gjakderdhja e re vjen teksa përpjekjet për të rigjallëruar bisedimet për armëpushim morën shtysë të re me zyrtarë të grupit palestinez të Hamasit që udhëtuan në Kajro për bisedime të reja.
Mjekët thanë se kishin rikuperuar 19 trupa të palestinezëve të vrarë në zonën veriore të Nuseirat, një prej 8 kampeve të refugjatëve në enklavën e copëtuar. Më vonë gjatë së premtes, një sulm ajror vrau të paktën 10 persona në një shtëpi në Beit Lahiya në veri të gazës.
Viktima të tjera u shënuan në zona veriore dhe jugore të rripit. Ushtria izraelite nuk ka komentuar, por të enjten bëri të ditur se forcat e veta do të vazhdonin të godisnin objektivë terroristë, si pjesë e aktivitetit operacional në Gaza, siç u shpreh.
