Skandal në Vatikan! I akuzuar për pedofili, kardinali i sanksionuar nga Papa Françesku shfaqet në takimet e konklavës

Një prani e papritur dhe tejet e debatueshme ka shkaktuar reagime të forta në Vatikan, pasi ish-kryepeshkopi i Limës, Juan Luis Cipriani Thorne, i akuzuar për pedofili dhe i sanksionuar nga Papa Françesku në vitin 2019, është shfaqur në mënyrë demonstrative në takimet para-konklavit, i veshur me rrobën purpur të një kardinali aktiv – diçka që përbën një sfidë të qartë ndaj kufizimeve të vendosura ndaj tij. Pak para orës 9 të mëngjesit të djeshëm, një Toyota Yaris kaloi përmes Via Paolo VI duke hyrë në Vatikan, pikërisht në zonën e Sallës së Sinodit, ku po zhvillohen mbledhjet e kongregacioneve...