Shpërthimi tragjik në Athinë, identifikohen gjashtë viktimat

Janë identifikuar personat që humbën jetën pas shembjes së një godine në lagjen Plaka të Athinës, pas një shpërthimi. Viktimat ishin shqiptaro-amerikanë dhe ndodheshin në Athinë për qëllime turistike. Tre prej viktimave janë shtetas shqiptarë: Florin Hoxha dhe Florida Hoxha, motër e vëlla, si dhe Eris Cani, bashkëshortja e Florin Hoxhës. Tre viktimat e tjera janë Ian Alexander Kirpatrick, bashkëshorti i Florida Hoxhës, si dhe Edmond Hings dhe Athina Papapresku, të cilët raportohet se ishin pronarët e godinës. Ngjarja ndodhi në zonën e Plakës, ku pas shpërthimit godina u shemb, duke shkaktuar humbjen e jetës së gjashtë personave. Autoritetet greke vijojnë hetimet për të përcaktuar rrethanat dhe shkaqet e shpërthimit, si dhe dinamikën e shembjes së godinës.