Shorti i UEFA-s i vjen në ndihmë, një skuadër shqiptare arrin grupet e Europës

Një nga skuadrat shqiptare me gjasë do të mund të luajë në fazën e grupeve në një kompeticion europian. Matematika është fare e thjeshtë për Shkëndijën dhe Dritën, që mund të “përplasen” nëse humbasin në turin e dytë të Champions League, ndaj kundërshtarëve si FCSB nga Rumania dhe Copenhagen nga Danimarka. Përballja direkte mes Dritës dhe Shkëndijës në turin e tretë të Europa League do të bënte që ekipi i cili triumfon, të kalonte në “Play Off” të këtij kompeticioni, çka do të thotë se edhe me humbje më pas, njëra nga ato do siguronte minimalisht grupet e Conference League.