Rrëzohet avioni stërvitor i Forcave Ajrore Britanike në Uells, dy pilotë të plagosur

Dy pilotë të Forcave Ajrore Mbretërore britanike (RAF) po trajtohen për lëndime të lehta pas rrëzimit të një avioni stërvitor Hawk T2 pranë Pencarnisiog, në Anglesey të Uellsit të Veriut. Avioni ishte nisur nga baza RAF Valley kur u rrëzua. Sipas Policisë së Uellsit të Veriut, dy pilotët u nxorën nga avioni dhe po marrin trajtim mjekësor. Në këtë fazë nuk raportohet për persona të tjerë të lënduar. Avioni u rrëzua pranë zonave të banuara, por nuk raportohet se ka goditur ndonjë banesë. Shërbimi i Zjarrfikësve dhe Shpëtimit i Uellsit të Veriut bëri të ditur se zjarri është vënë nën kontroll. Në vendngjarje mbërritën gjithashtu ekipet e ambulancës dhe një ambulancë ajrore. Forcat Ajrore Mbretërore kanë nisur një hetim për të përcaktuar shkaqet e rrëzimit...