Rinia nga Kosova dhe Serbia bashkohen në Jurinë Rinore të DokuFest, kinemaja si urë bashkëpunimi

Në një iniciativë të veçantë ndërkufitare, të rinj nga Kosova dhe Serbia janë bërë pjesë e jurisë rinore në edicionin e sivjetshëm të DokuFest, si pjesë e programit DocYouth Alliance, rinia që lidhet përmes kinemasë. Kjo nismë e fuqishme kulturore ka për qëllim të krijojë ura bashkëpunimi dhe mirëkuptimi mes të rinjve nga dy vendet, duke përdorur filmin si një mjet komunikimi dhe reflektimi të përbashkët. Nga 4 deri më 8 gusht, në qytetin e Prizrenit, këta të rinj po marrin pjesë në një përvojë të pasur që përfshin shikimin dhe vlerësimin e pesë filmave me tematikë rinore. Filmat janë përzgjedhur posaçërisht për të reflektuar sfidat, ëndrrat dhe realitetet e brezit të ri në një botë gjithnjë e më komplekse. Në fund të këtij udhëtimi...