ReMusica shënon 25-vjetorin, Kurti vlerëson kontributin e festivalit në kulturë

Kryeministri Albin Kurti ka pritur dje drejtuesit e Festivalit ReMusica, Donika Rudi dhe Viktor Berishaj, me të cilët ka diskutuar për 25-vjetorin e festivalit, kontributin e tij në jetën muzikore dhe planet për të ardhmen. Kurti në një postim në Facebook, ka theksuar se gjatë një çerek shekulli, ReMusica ka prezantuar rreth 500 vepra të kompozitorëve shqiptarë nga Kosova, Shqipëria, Maqedonia e Veriut, Mali i Zi dhe diaspora, duke lidhur krijimtarinë vendore me skenën ndërkombëtare. Në takim është diskutuar edhe për programet ReMusica Junior dhe ReNew, që mbështesin zhvillimin e muzikantëve të rinj, si dhe për sfidat e organizimit të festivalit gjatë gjithë vitit. Kurti ka uruar drejtuesit dhe ekipin e festivalit për 25 vjet përkushtim ndaj muzikës dhe kulturës. ObserverKult Lexo edhe: Fjalimi i...