Rama i përgjigjet Farage: Shifrat për shqiptarët në burg në Britani janë absurde, hajde në Shqipëri për të parë të vërtetën!

Kryeministri Edi Rama ka reaguar ndaj deklaratave të deputetit britanik Nigel Farage, i cili pretendoi se “1 në 50 shqiptarë në Britani janë në burg”. Përmes një postimi në platformën “X”, Rama hodhi poshtë këto shifra, duke i quajtur “absurde” dhe shembull klasik të propagandës post-Brexit. “Upsss… vetë z. Nigel Farage më sfidoi për faktet! Çfarë nderi — për një ‘burrë gjigand’, siç më përshkroi ai (duke pasur parasysh që vij nga një ‘vend i vogël’)”, shkruan Rama me ironi, duke e sfiduar Farage për të verifikuar faktet. Rama thekson se të dhënat reale nuk mbështesin aspak deklaratën e Farage...