“Qesharake ‘dashuria’ e Ramës”, Shehi: Kur të fitoj unë, gratë do punojnë vetëm 6 orë në ditë

Kryetari i LZHK-së, njëkohësisht drejtuesi i koalicionit ‘Djathtas për Zhvillim’, deputeti Dashamir Shehi, ka replikuar në distancë me kryeministrin Edi Rama, duke e cilësuar projektin e Partisë Socialiste për gratë si një tallava politike. Komentet Shehi i bëri përmes një videoje të shpërndarë në rrjetet sociale, ku tha se koalicioni ‘Djathtas për Zhvillim’ planifikon në projektin e tij 6 orë punë për gratë dhe vajzat, me të njëjtën pagë si 8 orë. “Nëna, vajza, gra të Shqipërisë, mos u merrni shumë me këtë dashurinë kryeministrore për femrat shqiptare. Sepse kjo është për të kaluar kohën dhe për të qeshur pak....