Protesta masive në disa qytete të Italisë, mijëra qytetarë në rrugë kundër shtrenjtimit të jetesës dhe riarmatimit

Një e shtunë tjetër protestash është zhvilluar në disa qytete të Italisë, ku mijëra qytetarë dolën në rrugë për të kundërshtuar rritjen e kostos së jetesës, shtrenjtimin e qirave, shpenzimet për riarmatimin dhe shkurtimet në arsim e shëndetësi. Demonstratat u organizuan në Torino, Milano, Romë, Bolonjë, Xhenova, Firence, Udine dhe Leçe, ndërsa më e madhja u regjistrua në Torino, me rreth 3 mijë pjesëmarrës. Në marshime u përfshinë studentë, punëtorë, mësues dhe fermerë, të cilët kërkuan më shumë mbështetje ekonomike dhe mbrojtje të shërbimeve publike. Protestat u zhvilluan përgjithësisht në mënyrë paqësore, pa përplasje të mëdha me policinë, dhe demonstrata në Torino përfundoi pa incidente. Në Torino, protestuesit marshuan me pankarta kundër kostos së lartë të jetesës dhe politikave të riarmatimit, ndërsa pati edhe thirrje...