Prof. Edvin Prifti: Pandemia, studimet dhe një teori ndryshe mbi COVID-19

Në një intervistë ekskluzive për “Nazarko Podcast” në RTSH, Profesor Doktor Edvin Prifti, një nga figurat më të spikatura të kardiokirurgjisë shqiptare, ndau rrëfime, përvoja dhe pikëpamje që sfidojnë narrativat zyrtare të pandemisë COVID-19. I njohur për kontributin e tij në mjekësinë shqiptare dhe ndërkombëtare, profesor Prifti tregoi se përfshirja e tij në debatin mbi COVID-19, nuk ishte rastësore. Që në vitin 2003, ai kishte qenë pjesë e një projekti shkencor që identifikonte për herë të parë qelizën staminale të zemrës te njeriu, si dhe aplikimin kirurgjikal të terapisë gjenetike – teknologji që, sipas tij, ngjasonte me mekanizmin e vaksinave...