Presidentja Osmani cakton 12 tetorin për zgjedhjet lokale në Kosovë

Presidentja e Republikës së Kosovës, Vjosa Osmani, ka dekretuar datën 12 tetor 2025 për mbajtjen e zgjedhjeve të rregullta lokale në vend. Vendimi u bë publik përmes një njoftimi zyrtar nga Presidenca, ku thuhet se data është përcaktuar pas shqyrtimit të kujdesshëm të propozimeve të subjekteve politike dhe pas një analize të plotë në përputhje me afatet kushtetuese dhe ligjore.“Synimi është të mundësohet përgatitja e plotë e procesit zgjedhor nga institucionet përgjegjëse, përfshirë Komisionin Qendror të Zgjedhjeve dhe institucionet e tjera relevante, me qëllim të respektimit të standardeve më të larta të administrimit zgjedhor,” thuhet në deklaratën e zyrës së...