Presidenti i SHBA optimist për bisedimet e armëpushimit në Gaza ndërsa pret Netanyahun. Kryeministri izraelit nominon Trump për Çmimin Nobel për Paqen

Presidenti i SHBA-së, Donald Trump, tha se bisedimet për t’i dhënë fund luftës në Gaza kanë “shkuar shumë mirë”, ndërsa priti kryeministrin izraelit Benjamin Netanyahu në Uashington DC, raporton BBC. Trump shprehu gjithashtu besim se Hamasi ishte i gatshëm t’i jepte fund konfliktit 21-mujor. “Ata duan të takohen dhe duan të ketë atë armëpushim”, tha ai në një deklaratë për gazetarët në Shtëpinë e Bardhë. Takimi erdhi pasi raundet e fundit të bisedimeve indirekte për armëpushim midis Izraelit dhe Hamasit në Katar përfunduan pa ndonjë përparim, megjithëse negociatat pritej të vazhdonin këtë javë. Në komentet e së hënës, Trump u...