‘Pasaporta e artë, frenim për Ramën’/ Pollo: Rezoluta e PPE ekspozon abuzimet e qeverisë me pushtetin dhe administratën

Gjatë një interviste në SYRI TV me moderatorin Edvin Parruca, anëtari i Kryesisë së Partisë Demokratike, Genc Pollo, ka analizuar në detaje rezolutën e fundit të miratuar nga Partia Popullore Europiane (PPE), e cila hedh dritë mbi problematikat serioze të situatës politike në Shqipëri. Në deklaratën e tij, Pollo theksoi se rezoluta ngre shqetësime të forta mbi presionin ndaj liderëve të opozitës, mënyrën e paligjshme të kapjes së bashkive nga Partia Socialiste, abuzimin me administratën publike gjatë fushatave elektorale, si dhe nivelin e lartë të korrupsionit, të cilin e konsideroi si përgjegjësi direkte të mazhorancës. Sipas Pollos, kjo rezolutë nuk...