“Të respektohen vendimet që nxjerr Gjykata Kushtetuese”- Tre mesazhet e ambasadorit të BE, Gonzato: Politika ta konsiderojë integrimin prioritet kombëtar strategjik

Panorama.com.al

26/09/2024

👁1225

Ambasadori i BE në vendin tonë, Silvio Gonzato i ka bërë thirrje politikës që të zbatojë vendimet që nxjerr Gjykata Kushtetuese. Në fjalën e tij gjatë një takimi me institucionet e pavarura, diplomati i lartë i BE tha se klasa politike duhet ta konsiderojë integrimin në BE prioritet kombëtar strategjik.

Për reformën në drejtësi -u shpreh ambasadori- parlamenti duhet të luajë një rol kyç për mos kthimin pas të këtyre reformave. “Këto reforma duhet të shoqërohen me luftën kundër krimit dhe korrupsionit në Shqipëri”, u shpreh ai.
Ambasadori Gonzato u shpreh se BE do vazhdojë të mbështesë institucionet e Shqipërisë në rrugën drejt integrimit.
“Mesazhi i parë është të theksoj rëndësinë e parlamentit gjithashtu institucioneve të përvarur në kontekstin e hyrjes në BE. Shqipëria ka hyrë në një fazë kritike të hyrjes në BE dhe punohet shumë për të hapur negociatat që ka të bëjë me funksionimin institucioneve demokratike, institucioneve gjyqësore, por edhe të tjera.
Ky parlament ka një rol kyç, për të luajtur duke filluar me komitetin e BE që do të rishikojë pozicionin e negociatave, të cilat do ti paraqiten Këshillit Evropian
Negociatat do të konsistojnë në reforma thelbësore që do ta sjellin Shqipërinë në standard në të gjithë këto fusha.
Shqipëria ka miratuar një udhërrëfyes për administratën publike ambicioz dhe është në funksionim të institucioneve demokratike.
Mesazhi im i dytë ka të bëjë me negociatat e suksesshme në hyrje në BE që kërkojnë një dialog ndërparlamentar në parlament por edhe në bashkëpunime ndërinstitucionale.
Shpresoj që në parlament integrimi në BE të konsiderohet nga të gjitha forcat politike si një prioritet kombëtar strategjik.
Parlamenti është qendra për të pasur dialogun konstruktiv duke përfshirë edhe çështjen e integrimit në BE por edhe të miratojë legjislacione dhe ndryshimet ligjore.
Sic u përmend edhe në raportin e fundit është e rëndësishme fokusimi i bashkëpunimit mes parlamentit dhe instituicioneve të pavarura. Parlamenti ka një rol të rëndësishëm edhe nga ana buxhetore. Parlamenti duhet të raportojë sic duhet kur është e nevojshme për krerët e institucioneve të pavarura apo dhe komisionet e ndryshime. Vendimet e Gjykatës Kushtetuese duhet të respektohen sic nxirren nga ajo dhe kjo është thelbësore në një shtet demokratik.
Për reformën në drejtësi parlamenti duhet të luajë një rol kyç për mos kthimin pas të këtyre reformave. Këto reforma duhet të shoqërohen me luftën kundër krimit dhe korrupsionit në Shqipëri.
Mesazhi im i tretë është që BE do vazhdojë të mbështesë institucionet e Shqipërisë në rrugën drejt BE”, tha ambasadori.

NDIQE LIVE “PANORAMA TV”